Yeni Huawei Watch 3 smart saatı təqdim olunub - QİYMƏTİ

Yeni Huawei Watch 3 smart saatı təqdim olunub - QİYMƏTİ

Texnologiya
03.06.2021 PAYLAŞIM

    Huawei şirkəti özünün Watch adlı smart saat seriyasının 3-cü nəslini təqdim edib. Əvvəlki modellərdən fərqli olaraq yeni Huawei Watch 3 modeli HarmonyOS əməliyyat sistemini əldə edib. Bu səbəbdən də ona kənar tətbiqlərin quraşdırılması mümkün olub. Smart saat 2 versiyada təqdim olunur. Adi və Pro. Huawei Watch 3-də interfeyslə yeni qarşılıqlı əlaqə üsulu reallaşdırılıb. Həmin üsul saatın kənarında yerləşən hərəkətli düyməyə əsaslanır. Pro modeldə premium materiallardan istifadə olunur. Bura titan gövdə, sapfir şüşə və keramik panel daxildir.


    Əvvəldə də qeyd olunduğu kimi smart saat HarmonyOS vasitəsilə çalışır. Smart saatın sistemində olan vizual dəyişikliklər arasında yeni və axıcı animasiyalar ilə sistem ikonları mövcuddur. Bununla yanaşı smart saata Huawei şirkətinin AppGallery adlı tətbiqlər mağazası inteqrasiya olunub. Mağazada xüsusi olaraq smart saat üçün optimizasiya edilmiş tətbiqlər yer alacaqlar. Huawei Watch 3-də smartfon kamerasının idarəsi ilə bağlı genişləndirilmiş imkanlar mövcuddur. Belə ki, əgər əvvəllər smart saatlar smartfon kamerasında çəkiliş düyməsi kimi istifadə olunurdularsa, indi onlarla zoom və fokusu idarə etmək, çəkiliş rejimini dəyişmək və həmçinin çəkilmiş fotolara baxmaq mümkündür.

    Fiziki aktivliyi monitorinq etməkdən əlavə olaraq saatlar ürək döyüntülərinin tezliyini, qanda oksigen miqdarını, stress səviyyəsini, yuxu fazalarını və temperaturu ölçə bilirlər. Məlumatda qeyd edilib ki, Huawei Watch 3 bazarda ilk smart saatdır ki, dəri temperaturunu fasiləsiz ölçməyə imkan verən ötürücülər ilə təchiz olunub. Smart saatlarda eSIM 4G dəstəyi mövcuddur. Bu halda smartfonun və saatın hər birində bir nömrə işlədilir. İstifadəçi smartfondan istifadə etmədən saat vasitəsilə daxil olan zənglərə cavab verə bilər.

    Bütün bunlardan əlavə olaraq smart saatlar kontaktsız ödənişlər üçün nəzərdə tutulmuş NFC modul ilə də təchiz olunublar. Adi Huawei Watch 3 modeli bir dəfə şarj olunandan sonra adi rejimdə 3 gün, Pro model isə 4 gün çalışa bilir. Saatlarda enerji sərfiyyatına qənaət rejimi mövcuddur. Bu rejimdə sadə istifadəçi interfeysindən istifadə olunur və bir sıra funksiyalar deaktiv olur. Bu halda adi model 14 gün ərzində Pro model isə 21 gün ərzində çalışa bilir. Huawei Watch 3 11 iyun tarixində Çində satışa çxacaq. Adi model 410$-a, Pro model isə 516$-a satılacaq. Saatların qlobal satışları daha sonra reallaşdırılacaq.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Blue Origin şirkəti gələn ay olacaq ilk kosmik turistik uçuşa əlavə sərnişin yer..

Jeff Bezos-un Blue Origin şirkəti kosmosa ilk özəl uçuş missiyası üçün əlavə sərnişin yerini 28 mily..


NASA agentliyi astronavtları Aya yollayacaq yeni raketini sərgiləyib

NASA agentliyi ilk dəfə olaraq özünün Space Launch System (SLS) adlı raketlərini sərgiləyib...


Facebook-un ilk smart saatı barəsində yeni məlumatlar verilib

İnsayderlər Facebook şirkətinin ilk smart saatı barəsində yeni məlumatları veriblər.


Məşhur analitik Apple şirkətinin AR cihazının nə zaman təqdim olunacağını açıqla..

WWDC 2021 konfransından sonra məşhur analitik Ming-Chi Kuo, Apple şirkətinin öz artırılmış reallıq c..


Amazon-un yaradıcısı Jeff Bezos yaxın zamanda kosmosa yollanacaq

Amazon şirkətinin təsisçisi Jeff Bezos heç gözlənilmədən kosmosa uçmaq planını elan edib...


Çin Kosmik Stansiyasının yeni növ mühərriklər vasitəsilə çalışacağı məlum olub..

Yer kürəsinin orbitində yığılmasına start verilmiş Çin Kosmik Stansiyası barəsində yeni məlumatlar o..

×