Nokia anonslarının olacağı 25 Fevraldakı tədbir Barselonanın Müasir İncəsənət muzeyində keçiriləcək. Şirkət tədbir çərçivəsində hansı Nokia smartfonlarının təqdim olunacağı barədə məlumat verməyib. Çox güman ki, həmin tədbirdə çoxdan gözlənilən Nokia 9 modeli təqdim olunacaq. Bu model haqqında əvvəlcədən sızdırılmış məlumatlar əsasında onun barəsində bəzi təsəvvürlər mövcuddur.

Beləliklə smartfon çox güman ki, 5.5 inç ekran, 8 nüvəli Snapdragon 835 prosessoru, Adreno 540 qrarfik sürətləndirici, 6/8 GB RAM, 64/128 GB daxili yaddaş və 13 MP-lik ikili arxa Carl Zeiss kamera ilə təchiz olunacaq. Smartfonun Android 7.1.1 əməliyyat sistemi vasitəsilə çalışacağı gözlənilir.Bundan əlavə olaraq sözügedən tədbirdə Nokia 3310-nun yenilənmiş versiyasının təqdimatı da gözlənilir. Yeni versiyanın 4G şəbəkə və Android-in daha sadələşdirilmiş versiyası olan YunOS əməliyyat sistemini dəstəkləyəcəyi güman olunur.