Yenicə satışa çıxmış GeForce RTX 5090 videokartlarında problemlər yaşanır

     Yenicə satışa çıxmış NVIDIA RTX 5090 videokart seriyasına daxil olan videokart modelləri ciddi problemlərlə üzləşiblər. İstifadəçilər bildirirlər ki, bu yeni videokartları quraşdırdıqdan sonra onların kompüterləri bu videokartları tanımır. Problem əsasən Çin bazarı üçün nəzərdə tutulmuş RTX 5090D modellərini əhatə edir. Lakin bəzi hallarda standart RTX 5090 modellərində də eyni problem müşahidə olunub.

     2000$-dan baha qiymətə satılan bu videokartlar 30 yanvar tarixində satışa çıxarılıb və sürətlə tükənib. Lakin videokartların kompüterlərə quraşdırılmasından qısa müddət sonra istifadəçilərin ekranları qaralmağa və kompüterlər bu qrafik prosessorları tanımamağa başlayıb. Çindəki Chiphell, Bilibili və Tieba Baidu forumlarında bu problemlə bağlı çoxsaylı şikayətlər yayılıb. Əsas istehsalçılar olan Colorful və Manli şirkətləri diqqət mərkəzinə düşüblər.

     Lakin GIGABYTE modelləri ilə bağlı da oxşar problemlər bildirilib. Bundan əlavə, ASUS tərəfindən istehsal olunan adi RTX 5090 modellərində də eyni problemlər müşahidə olunub. Bəzi istifadəçilər müvəqqəti həll yolu olaraq PCIe 5.0 rejimini 4.0-a dəyişməyi tövsiyə edirlər, lakin bu, problemin tam həllini təmin etmir. NVIDIA hələlik bu məsələ ilə bağlı rəsmi açıqlama verməyib və bir çox istifadəçi videokartları mağazalara geri qaytarmağı düşünür.

Mənbə: Wccftech

Bənzər xəbərlər

Süni İntellekt

DeepSeek sanksiyalardan yan keçərək gizli şəkildə NVIDIA sürətləndiricilərini əldə etmiş ola bilər

Çin süni zəka startapı DeepSeek-in uğurları ABŞ rəsmilərində həm heyranlıq, həm də narahatlıq yaradıb. Microsoft, DeepSeek-in dil modellərinin OpenAI-dan qanunsuz şəkildə əldə edilmiş məlumatlar vasitəsilə təlimatlandırılmış ola biləcəklərindən şübhələnir.

Süni İntellekt

Donald Trump və digərləri DeepSeek-in uğurlarını yüksək qiymətləndiriblər

Technote.az Reuters platformasına istinadən bildirir ki, Çinin süni zəka startapı DeepSeek-in yeni süni zəka modelinin təqdimatı investorlar arasında ABŞ şirkətlərinin süni zəka sahəsində liderliyini qoruyub saxlaya biləcəyi ilə bağlı şübhələr yaradıb. Bu modelin daha az resursla yüksək performans əldə etməsi diqqət çəkib.

Tech-Biznes

DeepSeek-in yüksəlişi ilə NVIDIA-nın bazar dəyəri 600 milyard dollar azalıb

Technote.az TechCrunch saytına istinadən bildirir ki, Çinin süni zəka sahəsində fəaliyyət göstərən DeepSeek adlı startapı, yeni süni zəka modelinin təqdimatı ilə qlobal texnologiya bazarına böyük təsir göstərib.

Elm & Texnologiya

NVIDIA GeForce RTX 5090 Ti videokartı barəsində ilk məlumatlar verilib

NVIDIA şirkəti bu ayın əvvəlində GeForce RTX 5090, RTX 5080, RTX 5070 və RTX 5070 Ti videokartlarını təqdim etdi. Çinin Chiphell adlı internet forumunun istifadəçilərindən birinin vermiş olduğu məlumata əsasən o, NVIDIA-nın RTX 5090-dan daha güclü olan yeni videokartının prototipini əldə edə bilib.

Elm & Texnologiya

Yaxın zamanda NVIDIA GeForce RTX 4070 və RTX 4060 videokartlarının istehsalı dayandırılacaq

Riteylerlər öz alıcılarına xəbər veriblər ki, yaxın zamanda NVIDIA GeForce RTX 4070 və RTX 4060 videokartlarının satışları dayandırılacaq.