Keçmiş Netflix rəhbəri Swati Shetty və prodüser ortağı Grant Kessman tərəfindən yaradılmış Bridge7 adlı istehsal şirkəti, Slumdog Millionaire filminin davamı və televiziya uyğunlaşdırılması hüquqlarını alıb. Hələlik serial uyğunlaşdırılması ilə bağlı heç bir addım atılmasa da, davam filmi üçün hazırlıqlar başlayıb. Slumdog Millionaire filminin davamı, ilk filmdə milyon dollarlıq mükafatı qazanmaq üçün keçdiyi maraqlı həyat hekayəsini izlədiyimiz Jamal Malik-in sonrakı həyatına fokuslanacaq.

     İlk filmdə Jamal obrazını canlandıran Dev Patel bu gün artıq seçdiyi layihələrdə çox diqqətli olan, mükafatlı bir aktyor və rejissora çevrilib. Buna görə də, onun bu davam filmində iştirak edəcəyi çox da ehtimal edilmir. Hətta ümumilikdə, ilk filmin komandasının bu davam filmi ilə çox da əlaqəli olmayacağı düşünülür. Yeni layihəni kimin həyata keçirəcəyi isə hələ ki, naməlumdur. 2009-cu ildə Ən Yaxşı Film də daxil olmaqla, 8 kateqoriyada Oskar qazanan Slumdog Millionaire, dünya üzrə 378.4 milyon dollar gəlir əldə edərək kassada da böyük uğur qazanmışdı.