Amazon Çikaqo yaxınlığında Walmart tipli supermağaza açır

    Technote.az “The Verge” platformasına istinadən bildirir ki, Amazon ABŞ-də fiziki mağaza strategiyasını yenidən genişləndirməyi planlaşdırır. Şirkət bu dəfə Çikaqo yaxınlığında, Orland Park qəsəbəsində “supermarket + anbar” formatında nəhəng bir ticarət mərkəzi açmağa hazırlaşır. Məlumata görə, Orland Park Plan Komissiyası Amazon-un 35 akr ərazidə 229 min kvadrat fut (təxminən 21 min kvadrat metr) sahəsi olan iri pərakəndə satış mərkəzi tikintisi ilə bağlı təklifini 6–1 səs nisbəti ilə təsdiqləyib.

    Planlaşdırılan obyekt klassik Walmart tipli supermərkəzə bənzəyəcək. Burada ərzaq məhsulları, gündəlik tələbat malları və hazır yeməklər satılacaq. Eyni zamanda mağaza Amazon-un logistika mərkəzi kimi də fəaliyyət göstərəcək. Yəni obyekt həm alış-veriş məkanı, həm də arxa hissəsində yerləşən anbar vasitəsilə sifarişlərin icra olunduğu bir mərkəz olacaq. Müştərilər bu məkanda Amazon üzərindən etdikləri sifarişləri birbaşa mağazadan götürə biləcəklər. Bu model Amazon-un onlayn və oflayn ticarəti birləşdirmə strategiyasının yeni mərhələsi kimi qiymətləndirilir.