Amazon məşhur "Warhammer 40,000" üçün yeni animasiya layihəsinə başlayır

    Amazon MGM Studios məşhur Warhammer 40,000 kainatı əsasında yeni animasiya serialı hazırlayır. Layihə Amazon, Blur Studios və Games Workshop-un birgə əməkdaşlığı ilə ərsəyə gələcək. Yeni serial Prime Video platformasında yayımlanan Secret Level antologiyasındakı Warhammer 40,000 bölümünün davamı kimi hazırlanır. Həmin epizodun rejissoru olan Dave Wilson bu dəfə də layihəyə rejissor və həmmüəllif kimi rəhbərlik edəcək.

    "Warhammer 40,000" kainatının böyük pərəstişkarlarından olan aktyor Henry Cavill isə serialın icraçı prodüseri olacaq. Cavill eyni zamanda Amazon-un hazırladığı canlı çəkiliş Warhammer 40,000 layihəsində də iştirak etməyə davam edir. Animasiya serialına Secret Level layihəsinin yaradıcısı Tim Miller də icraçı prodüser kimi qoşulub. Onun həmtəsisçisi olduğu Blur Studios isə layihənin istehsalında iştirak edəcək.