Satoshi Nakamoto-nun Bitcoin White Paper-ını ilk dərc etməsindən tam 16 il sonra, 31 oktyabr 2008-ci il tarixini qeyd etmək məqsədilə keçirilən mətbuat konfransında Nakamoto-nun əsl kimliyinin açıqlanacağı gözlənilirdi. Lakin tədbirə girmək üçün 500 funt tələb olunanda işin içində qəribə bir məqamın olduğu ortaya çıxıb. Konfransla bağlı detallar, kriptovalyuta bazarı haqqında etibarlı xəbərləri ilə tanınan Joe Tidy tərəfindən paylaşılıb. Tanınmış jurnalist yaşananları rəsmi X (Twitter) hesabında anbaan paylaşaraq, prosesin "əslliyi şübhə altına alınacaq və sübut olduğu iddia edilən sənədlərin açıqlanması" şəklində davam etdiyini bildirib.

     Tidy konfransdan xronoloji olaraq belə məlumat verib:

     “London-da "Bitcoin-in yaradıcısı Satoshi Nakamoto-nun əsl hüquqi kimliyinin açıqlanması" adı ilə təqdim olunan bir tədbirdəyəm. Təşkilatçının məni içəri buraxmaq və milyarder sirli şəxsə suallar vermək üçün 500 funt ödəməmi istəməsi konfransda qəribə bir atmosfer yaradıb.

     Təşkilatçı Charles Anderson səhnəyə çıxdı. Bu tədbiri elan etdiklərindən bəri cəmi 2 saat yatdığını deyir. Dünyanın hər yerindən zənglərlə dolub-daşdığını bildirir. Həmçinin avtomobillər üçün “enerji bərpa sistemləri” ixtira etdiyini iddia edir.”

     Tidy prosesi bu şəkildə izah etməyə davam edib:

     “Bu tədbirin keçirildiyi prestijli Front Line Club-un nümayəndəsi araya girərək, Charles-ə bunun kluba bağlı və ya dəstəklənən bir tədbir olmadığını açıq şəkildə qeyd etməsini təkid etdi. Bir müxbir çölə çıxdı.

     Jurnalistlər (mən də daxil olmaqla) cənab Mollah-ın uzun hekayəsini dayandırıb, vəd etdiyi sübutları göstərməsini tələb etdilər. Təxminən 1 saatdır buradayam və insanlar narahatlıq içindədirlər və getdikcə daha da kobud davranırlar. Cənab Mollah şübhəli auditoriyaya baxarkən yanaqları tez-tez titrəyir.”

     Gördüyünüz kimi, 16 illik bir sirrin açılacağı gözlənildiyi halda, bütün konfrans komediyaya çevrilib. Görək, bir gün Bitcoin-in yaradıcısı həqiqətən də üzə çıxacaqmı.