By Rotation və Uber yeni əməkdaşlığa başlayıb

     Technote.az “TechCrunch” platformasına istinadən bildirir ki, Böyük Britaniyanın ən məşhur peer-to-peer moda icarə platformalarından biri olan By Rotation ride-sharing nəhəngi Uber ilə əməkdaşlığa başladığını açıqlayıb.

    Mayın 31-dək davam edəcək bu tərəfdaşlıq çərçivəsində, Böyük Britaniyada yaşayan By Rotation istifadəçiləri öz məhəllələrindəki digər istifadəçilərdən geyim icarəyə götürə və həmin geyimləri Uber Courier vasitəsilə 60 dəqiqə ərzində, üstəlik 10 % endirimlə çatdırdıra biləcəklər. Endirim bütün istifadəçilərə şamil olunsa da, xidmət əsasən xizək geyimləri icarə edənlər üçün nəzərdə tutulub.

     Şirkətin məlumatına görə, platformada xizək geyimi icarəyə götürən istifadəçilərin 30 %-i eyni gün təhvil axtarır. Həcmli, bahalı xizək geyimlərini daşımaq məcburiyyəti isə bu ehtiyacı daha da çətinləşdirirdi. Yeni tərəfdaşlıq məhz bu problemi aradan qaldırmağı hədəfləyir.

    By Rotation-un təsisçisi və CEO-su Eshita Kabra-Davies, TechCrunch-a verdiyi açıqlamada bu qərarın birbaşa icma rəylərinə əsaslandığını bildirib. Onun sözlərinə görə, istifadəçilər geyim icarəsinin ekoloji faydalarını sevsələr də, e-ticarətdəki sürət və rahatlığı də gözləyirlər. Uber ilə əməkdaşlıq bu davranışı dəyişərək istifadəçiləri fast fashion-dan slow fashion-a yönəldir. İstifadəçilər checkout mərhələsində Uber Courier seçimini pop-up bildiriş vasitəsilə görəcək və endirim avtomatik tətbiq olunacaq.

     2019-cu ildə yaradılan By Rotation hazırda 1 milyondan çox istifadəçiyə malikdir və 100 milyon dollardan artıq dəyərdə lüks qarderobu idarə edir. Platforma artıq Nyu-Yorkda fəaliyyət göstərir və növbəti hədəf BƏƏ bazarıdır.