F1 2016 rəsmi olaraq anons olunub

Codemasters studiyası rəsmi olaraq F1 yarış oyun seriyasının yeni hissəsi F1 2016-nı anons edib. Oyun bu ilin yay fəslində PC, PS4 və Xbox One üçün satışa çıxacaq. Verilən məlumata əsasən F1 2016-nın əsas xüsusiyyəti keçmiş oyunlardan fərqli olaraq maraqlı singleplayer rejiminin mövcud olacağıdır. 10 sezon ərzində oyunçular karyera pilləsini qalxaraq müxtəlif müqavilələr bağlaya, öz komandasını dəyişə və ya çempionatda inkişaf etdirə biləcəklər. Bundan əlavə olaraq avtomobillərin yeni dəyişilməsi sistemi hesabına oyunçular bolidlərin xırda ayarlarına kimi düzəliş edə biləcəklər. Həmçinin oyuna yeni yol kimi Bakı şəhəri də daxil ediləcək.