Gamesummit Sea Breeze-də: iyun ayında ən böyük beynəlxalq oyun festivalı

     6, 7 və 8 iyun 2024-cü il tarixində Bakının Sea Breeze məkanında Gamesummit - oyun sənayesini, oyun yaradanları və oyunçuları bir araya gətirən ən böyük beynəlxalq festival keçiriləcək. Bu il əsas diqqət oyunların yaradılmasına yönələcək: aparıcı sənaye ekspertləri, o cümlədən beynəlxalq şirkətlərin nümayəndələri ən yeni texnologiyalar, meyllər və oyun yaradanlar üçün imkanlar barədə konfrans keçirəcək. Tədbirin əsas tərəfdaşlarından biri qlobal miqyasda oyun studiyalarına dəstək göstərən beynəlxalq Xsolla şirkətidir. Festival oyun yaradanları və həvəskarlar üçün oyunların yaradılması, peşəkarlarla görüş və öz layihələrini təqdim etmək baxımından unikal imkandır.

     Qonaqları həmçinin böyükmiqyaslı kiberidman turnirləri gözləyir. Burada ən güclü oyunçular mükafatlar uğrunda mübarizə aparacaq, tamaşaçılar isə gərgin qarşılaşmaları izləyə biləcəklər. Bundan əlavə, festival geniş oyun istiqamətlərini əhatə edəcək: dünya və yerli studiyaların yüzlərlə video oyunu təqdim olunacaq, stolüstü oyunlar və retroqeyminq üzrə turnirlər keçiriləcək. İnteraktiv əyləncənin bütün formatlarının sevənləri üçün əsl məkan formalaşacaq. Matçlar və nümayişlər arasında iştirakçılar yeni layihələri sınaqdan keçirə, oyun yaradanlarla ünsiyyət qura və oyun trendlərini müzakirə edə biləcəklər.

     Gamesummit artıq özünü Azərbaycanın əsas oyun tədbiri kimi təsdiq edib, on minlərlə iştirakçı və tanınmış qonaqları cəlb edir. Ötən il festival 27 min nəfər tərəfindən ziyarət olunmuşdu, dəvətlilər arasında John Newman və nüfuzlu oyun eksperti Rami İsmail kimi məşhur adlar vardı. Yüksək səviyyəli təşkilatçılıq və zəngin proqram sayəsində Gamesummit regionda və onun hüdudlarından kənarda oyun sənayesinin inkişafı üçün əsas platformaya çevrilib və hər il oyun mütəxəssisləri ilə azarkeşlərini bir araya gətirir.

     Festival Azərbaycan nazirliklərinin, böyük İT-şirkətlərin və peşəkar oyunçu icmalarının dəstəyi ilə keçirilir. Bu il proqram yeni formatlarla daha da genişlənəcək. Festivalın sonunda açıq hava altında yay bayramı ab-havası yaradacaq parlaq şoular, o cümlədən kospley-defile və K-pop çıxışları təşkil olunacaq. Gamesummit böyüməyə davam edir, beynəlxalq iştirakçıları cəlb edir və oyunçular, oyun yaradanları, eləcə də bütün oyun sənayesi üçün yeni imkanlar yaradır.