GTA III-ün uğurundan sonra Rockstar Games, vaxtikən Tokioda davam filmi çəkməyi ciddi şəkildə düşünübmüş. Bu məlumat, GTA 5-in mənbə kodlarının 2023-cü ilin dekabrında sızdırılmasından sonra, məlumat mədənçiləri tərəfindən tapılan GTA Tokio istinadlarının təsdiqlənməsilə ortaya çıxıb. TimeExtension tərəfindən aparılan müsahibədə bu məlumatın daha əvvəl Rockstar-da işləmiş etibarlı mənbəyə əsaslanaraq doğru olduğu rəsmən açıqlanıb.

     Mənbənin sözlərinə görə, GTA Tokyo ideyası, Rockstar-ın həmtəsisçisi Sam Houser-in GTA III-ün təqtimatı zamanı tez-tez Yaponiyaya səfəri zamanı yaranıb. Houser, Tokionun oyunun atmosferinə uyğun gələn maraqlı bir şəhər ola biləcəyini düşünürdü. Ancaq Rockstar sonda bu layihədən imtina edib. Rockstar-ın GTA Tokyo-nu dayandırmasının ən mühüm səbəbləri, tədqiqat qrupunun Tokioda şəhərin xəritəsini yaratmaq üçün kifayət qədər uzun müddət qalmalı olması və Yapon mədəniyyətini dəqiq təsvir etməkdə çətinliklər çəkməsi kimi problemlərdir.

     Bu çətinliklər, Rockstar-ın tanıdığı və daha əvvəl oyunlarında istifadə etdiyi şəhərlərə qayıtmağa qərar verməsinə səbəb olub. Xülasə, Rockstar Games cəsarətli bir hərəkət etməkdən çəkinərək təhlükəsiz zonasını tərk etməməyə qərar verib. Nəticədə GTA Tokyo layihəsi heç vaxt reallaşmayıb və Rockstar, 2004-cü ildə GTA San Andreas ilə tarixin ən yaxşı oyunlarından birini buraxıb. Bununla belə, GTA Tokyo ideyası hələ də bir çox oyunçunun beynində qalır.