main-post-cover

    İnnovasiya Agentliyi GameSummit Summer 2024-ü Dəstəkləyir

    Digər
    15.05.2024
    Farid Pardashunas
         Bu il 1-2 iyun tarixlərində Bakıda regionun ən böyük oyun festivalı – “GameSummit Summer 2024” baş tutacaq. Tədbirin əsas tərəfdaşlarından biri də İnnovasiya və Rəqəmsal İnkişaf Agentliyidir. Festival ölkənin aparıcı oyun studiyaları, sahənin ekspertləri, oyun və elektron idman həvəskarlarını bir araya gətirəcək.
      Həmçinin “GameSummit Summer 2024”də Azərbaycanın oyun tərtibatçıları arasında ikinci “Indie Game Award” müsabiqəsi keçiriləcək. İştirakçılar oyunun yaratdığı müsbət təəssürat, unikallıq və vizual effektlərin keyfiyyəti nominasiyaları üzrə mübarizə aparacaqlar. Oyunların qiymətləndirilməsində, əsasən, oyunun ümumi əyləncə dəyəri, innovativliyi, kreativliyi, bədii və estetik tərtibat meyarları nəzərə alınacaq. Qeyd edək ki, qiymətləndirmə münsiflər heyətində yer alan Azərbaycan Oyun Tərtibatçıları Assosiasiyasının nümayəndələri tərəfindən həyata keçiriləcək.
         İRİA hər zaman olduğu kimi, ölkəmizdə oyun studiyalarının inkişafına da dəstək göstərir. Festivalda İRİA-nın dəstəklədiyi oyun studiyaları öz layihələrini “Powered by IDDA” adlı “Indie game” zonasında təqdim edəcək. Belə ki, oyun zonasında təqribən 10 – 15 studiya öz layihələrini nümayiş etdirəcək. Bunların arasında elektron idman və “indie games” janrında olan oyunlar üstünlük təşkil edir.
         Bununla yanaşı, “GameSummit Summer 2024” tədbiri Azərbaycanın oyun studiyaları və dünyanın aparıcı ekspertləri ilə şəbəkələşmə baxımından da müstəsna əhəmiyyət daşıyır. Tədbir Azərbaycanın və digər ölkələrin oyun studiyaları arasında gələcəkdə əməkdaşlıq imkanlarının genişləndirilməsində yeni perspektivlər yaradacaq. 
    Linki kopyala

    Bənzər xəbərlər

    Oxşar xəbərlər
    Bakıda Gamesummitdə böyük oyun çempionatı
    bakida-gamesummitde-boyuk-oyun-cempionati
    GameSummit Summer 2024 festivalı çərçivəsində beynəlxalq oyun konfransı keçiriləcək
    gamesummit-summer-2024-festivali-cercivesinde-beynelxalq-oyun-konfransi-kecirilecek
    GameSummit Winterdə oyun konfrası olacaq
    gamesummit-winterde-oyun-konfrasi-olacaq
    Gamesummit Oyun Çempionatları elan edir
    gamesummit-oyun-cempionatlari-elan-edir
    Oyun Konvensiyasında İlk Azərbaycan Indie Oyun Mükafatı
    oyun-konvensiyasinda-ilk-azerbaycan-indie-oyun-mukafati