WalMartın Jet.com-u almaq xəbəri dəqiqləşdi
Keçdiyimiz günlərdə WalMart-ın bir e-ticarət startup-ı olan Jet.com-u satın ala biləcəyi barədə xəbər hazırlayıb, sizlərə çatdırmışdıq.
Bugün aldığımız məlumata görə WalMart, Jet.com-u 3 milyard dollara satın alacağını bildirib və Bazar ertəsi müqavilənin imzalanacağını vurğulayıb.
Jet.Com sadəcə 2 ilə yaxındır e-ticarət bazarında fəaliyyət göstərən bir şirkətdir. Əgər danışıqlar uğurlu baş tutsa bu satınalma, Amerika tarixindəki ən böyük e-ticarət şirkəti satınalması olacaq və keçən il QVC-nin 2.4 milyard dollara Zulily şirkətini satın alması rekordunu yeniləyəcək.
Marc Lore-un rəhbərlik etdiyi Jet.com - Amerikada bir ildir fəaliyyət göstərir və televizorlardan - ev əşyalarına qədər bütün məhsulların satışı ilə məşğuldur. Jet.com-un Walmart tərəfindən satın alındıqdan sonra da saytdakı idarə işlərində Marc Lore-un vəzifəli olacağı və həmçinin Walmart-ın online mağazasında da işləri əlinə alacağı bildirilir.
Bu satınalmanın WalMart ilə Amazon arasındakı rəqabəti necə alovlandıracağını görmək maraqlı olacaq.
Bənzər xəbərlər
Şərhlər
Şərh yazmaq üçün Google və ya Facebook hesabınızla daxil olun.
Şərhlər yüklənir...
