Google bu il Android 14 əməliyyat sistemini istifadəyə verəcək. Mütəxəssislər isə hal hazırda yeni əməliyyat sisteminin beta versiyalarını analiz edərək onun final versiyasında hansı yeni funksiyaların olacaqlarını aşkar etməyə çalışırlar. İnsayderlərin sözlərinə əsasən Android 14-ün beta versiyalarından birində maraqlı bir özəllik aşkar edilib. Belə ki, Android 14-də çoxlu sayda düymə kombinasiyaları olacaq. Məlumatda qeyd edilib ki, çoxlu sayda düymə kombinasiyaları böyük ekranlı cihazlar üçün nəzərdə tutulacaq və onlar bu cür cihazlara fiziki klaviaturanın qoşulduğu zaman aktivləşəcək. İnsayderlərin sözlərinə əsasən Android 14-də bu cür düymə kombinasiyalarının sayı 29 olacaq. Müqayisə üçün qeyd etmək lazımdır ki, Android 13-də düymə kombinasiyalarının sayı 13-dür.