Android 15 hətta sönülü vəziyyətdə olan itmiş əşyaları tapmağa imkan verəcək

     İnsayderlərin vermiş olduqları məlumata əsasən Find My Device funksiyası Android 15-də yenilənməyə məruz qalacaq. İnsayderlər Android 15-in kodunda smartfon ilə planşetlərin axtarışından cavabdeh olan yeni API-ya rast gəliblər. Məlumatda qeyd edilib ki, aşkar edilmiş API itmiş smartfon və ya planşetin hətta sönülü olduğu halda da cihazı tapmağa imkan verir. İnsayderlərin fikirlərinə əsasən yenilənmiş Find My Device funksiyası belə çalışacaq. Sönülü olan cihaz Bluetooth çipini aktiv olaraq saxlayacaq və əgər yaxınlıqdakı istənilən Android cihaz aktiv Bluetooth çipinə sahib cihazı təyin etsə, o, cihazın yerləşdiyi yer barəsində məlumatları Google serverlərinə göndərəcək və daha sonra həmin məlumatlar yalnız itmiş cihazın sahibinə təqdim ediləcək. İnsayderlər bildiriblər ki, bu yeni funksiya dəqiq şəkildə Pixel 8 və Pixel 9 smartfonlarında istifadəyə veriləcək. Onun digər brendlərin smartfonlarında istifadəyə verilib-verilməyəcəyi isə bilinmir.

Bənzər xəbərlər

Cihazlar+

Google Pixel 8a təqdimata hazırlaşır

Google şirkəti yaxın zamanda Google Pixel 8a smartfonunu təqdim etməlidir.

Əməliyyat sistemləri

Android 15-də olacaq faydalı funksiyalardan biri sərgilənib (VİDEO)

Android Authority saytının əməkdaşları hələ anons olunmamış funksiyanı Android 14 QPR3 test versiyasında aktivləşdirə biliblər. Söhbət, tətbiqlərin arxivləşdirilməsi funksiyasından gedir.

Əməliyyat sistemləri

Apple şirkəti Google Gemini süni zəka modelini iPhone-lara inteqrasiya etməyi planlaşdırır

Blomberg saytının məşhur insayderi Mark Gurman bildirib ki, Apple şirkəti Google Gemini süni zəka modelini iPhone smartfonlarına inteqrasiya etməyi planlaşdırır.

Digər

Google I/O 2024 konfransının keçirilmə tarixi elan edilib

Google şirkəti tərtibatçılar üçün nəzərdə tutulmuş Google I/O 2024 konfransının nə zaman keçiriləcəyini açıqlayıb.

Cihazlar+

Qatlana bilən Google Pixel Fold 2-nin ekranlarının dəqiq ölçüləri açıqlanıb

Google bu il ərzində yeni qatlana bilən smartfonunu təqdim etməlidir.