Galaxy Z Fold 4 və Z Flip 4 üçün Android 13 istifadəyə verilib

    Samsung şirkəti öz smartfonları üçün Android 13 yenilənməsini təqdim etməyə davam edir. Bu dəfə əməliyyat sisteminin stabil versiyasını qatlana bilən Galaxy Z Fold 4 və Z Flip 4 smartfonları əldə ediblər. Əməliyyat sistemi yenilənməsi sözügedən smartfonların ABŞ-dan olan istifadəçiləri üçün artıq aktivdir. Qeyd etmək lazımdır ki, ABŞ-dan olan istifadəçilər sözügedən smartfonlar üçün Android 13-ün test olunmasında aktiv iştirak ediblər. Yaxın zamanda bu qatlana bilən smartfonların digər regionlardan olan istifadəçiləri də Android 13-ü əldə edəcəklər. Qeyd etmək lazımdır ki, Galaxy Z Fold 4 və Z Flip 4 üçün Android 13-ün stabil versiyası Google şirkətinin bu aykı təhlükəsizlik yenilənməsi ilə birlikdə təqdim edilib. Samsung tərtibatçıları qatlana bilən smartfonlara Android 13 ilə yanaşı yeni OneUI 5.0 istifadəçi interfeysini də əlavə ediblər.