main-post-cover

    iOS-ə keçid edən Android istifadəçilərinin sayı artıb

    Proqram Təminatı
    Əməliyyat sistemləri
    19.05.2023
    Emil Nəcəfov
        Bir neçə gün bundan öncə təqdim edilmiş statistika sayəsində məlum oldu ki, Google Pixel smartfonlarının istifadəçilərinin əksəriyyəti digər brendlərin smartfonlarına keçid etməyi planlaşdırır. İndi isə buna bənzər daha bir statistika təqdim edilib. Təqdim edilmiş yeni statistika da həmçinin Google şirkətini əhatə edir. Yeni statistikanı CIRP adlı tədqiqat şirkəti təqdim edib.
        Sözügedən şirkət hər il iPhone istifadəçiləri arasında sorğu keçirdir və keçirilən sorğu çərçivəsində iPhone istifadəçilərindən daha öncə hansı smartfonlara sahib olduqlarını öyrənir. 2015-ci ildən 2020-ci ilə kimi Android-dən iOS-ə keçid edənlərin sayı azalmışdı. Lakin 2021-ci ildən başlayaraq bu keçidin sayı daha da çoxalıb və bu ilin mart ayında 5 il bundan öncəki göstəriciyə çatıb. Hal hazırda ABŞ-da iPhone alıcılarının 15%-i daha öncə Android smartfonlara sahib olub. İstifadəçilərin 83%-i isə sadəcə olaraq köhnə iPhone modelindən yenisinə keçid edib.
    Linki kopyala