Microsoft şirkəti Windows 11 əməliyyat sistemində olan Phone Link adlı tətbiqi yeniləyib. Bundan sonra iPhone istifadəçiləri Windows 11 üzərindən iMessage vasitəsilə mesajlar göndərə biləcəklər. Bu prosesi reallaşdırmaq üçün iPhone istifadəçisi öz smartfonunu Bluetooth vasitəsilə Windows 11 əməliyyat sistemli kompüterə qoşmalıdır. Bluetooth vasitəsilə qoşulandan və cihazlar arasında məlumatlar sinxronlaşdırılandan sonra istifadəçi Phone Link tətbiqi vasitəsilə iMessage üzərindən mesajlar göndərə bilər.

Bənzər xəbər

Android 11 Developer Preview 3 təqdim olundu: Nə kimi yeniliklər var?

    Bundan əlavə olaraq istifadəçi təkcə mesajlar deyil, həmçinin audio zəngləri qəbul və reallaşdıra, o cümlədən bildirişlərə birbaşa kompüterdə baxa bilər. Lakin bununla belə Phone Link-in bəzi məhdudiyyətləri də var. Belə ki, iPhone kompüterə Bluetooth vasitəsilə qoşulduğu üçün istifadəçi Phone Link vasitəsilə iMessage-dəki qrup çatlarına media fayllar göndərə bilməz. Kompüterdə iMessage çatları bir qədər sadələşdirilmiş versiyada əks olunurlar. Qeyd etmək lazımdır ki, Phone Link hal hazırda test mərhələsindədir və o, Windows Insider proqramının iştirakçıları üçün istifadəyə verilib. Onun Windows 11-in stabil versiyasında nə zaman istifadəyə veriləcəyi bilinmir.