Microsoft şirkəti Windows 11 əməliyyat sisteminin test versiyalarında reklam elanlarının ikiqat sayını test etməyə başlayıb. Belə ki, Windows 11-in test versiyalarının istifadəçiləri banner və pop-up reklam elanlarının ümumi saylarının artdığını müşahidə ediblər. Microsoft şirkətinin ikiqat daha çox sərgilənən reklam elanlarının nəticədə Windows 11-in stabil versiyasına keçirdib-keçirtməyəcəyi bilinmir. Bu mövzuda hər şey mümkündür. Hələ bir neçə gün bundan öncə məlum oldu ki, Microsoft əməliyyat sistemində kompüterin söndürülməsi menyusunda da reklam elanlarını sərgiləməyə başlayıb. Kompüterin söndürülməsini əhatə edən menyudakı reklam elanları da əməliyyat sisteminin test versiyalarında aşkar edilib.