Samsung Galaxy Fold 3 üçün OneUI-nin yeni versiyası istifadəyə verilib

    Samsung şirkəti özünün qatlana bilən smartfonlarını yeni OneUI 5.1 istifadəçi interfeysi ilə təmin etməyə davam edir. Dünən xəbər verilmişdi ki, şirkət qatlana bilən Galaxy Fold 2 smartfonunda yeni istifadəçi interfeysini istifadəyə verib. İndi isə məlum olub ki, Galaxy Fold 3 üçün də OneUI 5.1 istifadəyə verilib. Məlumatda qeyd edilib ki, OneUI 5.1 ilk növbədə Galaxy Fold 3-ün Macarıstan, Yunanıstan, Almaniya, Niderland, Polşa, İsveçrə, Çexiya, Slovakiya, Xorvatiya, Makedoniya, Avstraliya, Böyük Britaniya, Ukrayna, Fransa və Qazaxıstandakı istifadəçiləri üçün aktivləşdirilib. Yaxın zamanda proqram təminatı yenilənməsi digər regionlardakı istifadəçilər üçün də aktiv olacaq. Qeyd etmək lazımdır ki, Galaxy Fold 3 smartfonu OneUI 5.1 ilə yanaşı həmçinin Google şirkətinin fevral ayı üçün nəzərdə tutulmuş təhlükəsizlik yenilənməsini də əldə edib.