Samsung OneUI 6-nın ilk beta testinin istifadəyə verilməsinə hazırlaşır

    Bir neçə gün bundan öncə Samsung OneUI 5.1.1 istifadəçi interfeysinin testinə start verdi. İndi isə şirkət aktiv şəkildə OneUI 6.0-ın beta testini hazırlayır. OneUI 6.0-ın hazırlanan beta versiyası Android 14-ə əsaslanır. İnsayderlər bildiriblər ki, yeni istifadəçi interfeysinin beta versiyası S918BXXU3ZWFA, S918BOXM3ZWFA və S918BXXU3ZWFA nömrələri ilə şirkətin Cənubi Koreya, Avropa və Hindistandakı serverlərində ortaya çıxıb. Bu isə o deməkdir ki, OneUI 6.0-ın beta versiyası yaxın zamanda istifadəyə veriləcək. Yeni istifadəçi interfeysinin ilk beta versiyasını ilkin mərhələdə böyük ehtimalla Galaxy S23 smartfonlarının istifadəçiləri əldə edəcəklər.