ABŞ-ın Milli Təhlükəsizlik Agentliyi Danimarka vasitəsilə avropalı siyasətçiləri izləyibmiş

ABŞ-ın Milli Təhlükəsizlik Agentliyi Danimarka vasitəsilə avropalı siyasətçiləri izləyibmiş

Kibertəhlükəsizlik
01.06.2021 PAYLAŞIM

    Danimarkanın Xarici Kəşfiyyat Xidməti ABŞ-ın Milli Təhlükəsizlik Agentliyinə (MTA) vacib telekommunikasiya qovşağından istifadə etməyə imkan yaradıbmış. MTA isə bundan istifadə edərək avropalı siyasətçilərin ünsiyyətlərini izləyib. Bu barədə xəbəri Avropada fəaliyyət göstərən bir sıra informasiya agentliyi verib. Məlumatda qeyd olunub ki, bu kibercasusluq əməliyyatı “Operation Dunhammer” adını əldə edibmiş və o, 2012-ci ildən 2014-cü ilə kimi aktiv olub. Əməliyyatın uğurlu funksionallığı üçün Danimarka ilə ABŞ-ın xüsusi dövlət orqanları öz aralarında razılaşma əldə ediblər. Nəticədə ABŞ tərəfi Kopenhagenə yaxın olan Dragör adlı şəhərdə yerləşən telekommunikasiya qovşağına XKeyscore adlı sistemi inteqrasiya edib.


    Qeyd etmək lazımdır ki, məhz Dragör şəhərində olan bəzi sualtı kabellər Danimarka ilə Skandinaviya adalarını birləşdirirlər. Avropadan olan informasiya agentliklərinin verdikləri məlumata əsasən ABŞ tərəfi XKeyscore sistemini mobil və internet trafikinin irimiqyaslı izlənməsində istifadə edib. Nəticədə Vaşinqton avropalı siyasətçilərin elektron məktublarını, zənglərini, SMS mesajlarını və çatlarda olmuş yazışmalarını əldə etməyi bacarıb. Maraqlısı ondadır ki, Edward Snowden-in iştirakı ilə baş vermiş qalmaqaldan sonra Danimarka hökuməti ABŞ ilə bu məsələdə razılaşmanı ləğv etməyi qərara alıb.

    Bununla yanaşı aşkar edilmişdi ki, ABŞ-ın xüsusi xidmət orqanları həmçinin danimarkalı siyasətçiləri də izləyirmiş. Bu məsələ ilə bağlı məlumatlar keçən həftənin sonunda ortaya çıxıb. Belə ki, danimarkalı televiziya aparıcılarından biri “Dunhammer Report” adlı sənədi əldə edə bilib. Həmin sənəddə isə Danimarka hökumətinin istintaq nəticələri barəsində məlumatlar əks olunub. Amerikalı və danimarkalı siyasətçilər bu mövzuya fikir bildirməkdən imtina edirlər. Lakin buna baxmayaraq Edward Snowden bir neçə gün bundan öncə Vaşinqton ilə Kopenhagen-nin birgə əməliyyat keçirtmiş olduqları məlumatlarını təsdiqləmişdi.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


İnternetdə saxta Windows 11 quraşdırılma faylı aşkar edilib

Yeni Windows-u əldə etmək niyyəti ilə istifadəçilər çox zaman piratçılara və kənar resurslara yönəli..


Pirat tətbiqlərin istifadəçilərinə hücum edən yeni virus aşkar edilib

Bitdefender şirkəti internetdə MosaicLoader adlı yeni virusun ortaya çıxdığını bildirib.


Azercell Telekom MMC-dən xəbərdarlıq!

Azercell Telekom” MMC abunəçilərini  “Whatsapp” tətbiqi, SMS və digər kanallar üzərindən göndərilən ..


Hackerlər Whatsapp zəngləri vasitəsilə gizli şəkildə smartfonlara Pegasus casus ..

Smartfon istifadəçiləri yeni təhlükə ilə qarşılaşıblar. Məlum olub ki, hackerlər Whatsapp zəngləri v..


Facebook-un 16.000 əməkdaşı istifadəçilərin konfidensial məlumatlarından sui-ist..

2014-2015-ci illərdə Facebook-un 16.000 əməkdaşı istifadəçilərin özəl məlumatlarını əldə edə biliblə..


İstifadəçilər saxta kriptovalyuta tətbiqləri sayəsində külli miqdarda pul itirib..

Lookout Threat Lab şirkətinin kibertəhlükəsizlik üzrə mütəxəssisləri kriptovalyuta mayninqi ilə bağl..

×