Reklam
Apple şirkətinin Lockdown Mode adlı yeni bloklama rejimi istifadəçilərin izlənməsini sadələşdirir

Apple şirkətinin Lockdown Mode adlı yeni bloklama rejimi istifadəçilərin izlənməsini sadələşdirir

Kibertəhlükəsizlik
26.08.2022 PAYLAŞIM

    iOS 16, iPadOS 16 macOS Ventura əməliyyat sistemlərində reallaşdırılmış əsas yeniliklərdən biri də Lockdown Mode adlı yeni bloklama rejimidir. Sözügedən bloklama rejimi yüksək səviyyəli konfidensiallığa ehtiyac duyan istifadəçiləri qorumaq üçün nəzərdə tutulub. Lakin kibertəhlükəsizlik sahəsində fəaliyyət göstərən Cryptee adlı şirkətin rəhbəri John Ozbay-ın sözlərinə əsasən reallıqda bu funksiya tamamilə əks effekti verir. Lockdown Mode rejimi cihazlardakı bəzi funksiyaları deaktiv edir və bu da öz növbəsində onları NSO Group RCS Labs kimi özəl şirkətlərdən ola biləcək məqsədyönlü kiberhücumlardan qoruyur. Apple şirkətinin sözlərinə əsasən Lockdown Mode rejimi əsasən risk altında olan jurnalistlər, aktivistlər və dövlət qulluqçuları üçün lazımdır.

    Cryptee şirkətinin rəhbəri olan John Ozbay bildirib ki, Apple şirkətinin reallaşdırmış olduğu bu yeni funksiya istifadəçilərin bəzi məlumatlarının təyin edilməsi prosesini sadələşdirir. Lockdown Mode rejimi tərəfindən cihazın bəzi sistem funksiyalarının deaktiv edilməsi həmçinin saytlara istifadəçinin bu rejimi aktivləşdirmiş olduğunu anlamağa imkan verir. Bəzi resurslar istifadəçinin təsvirini cookie fayllardan istifadə etmədən sadəcə olaraq kombinasiya edilmiş bəzi məlumatlar sayəsində yarada bilirlər. Kombinasiya edilmiş bu cür məlumatlar arasında IP ünvanlar, veb şriftlər, cihazın ekran ölçüsü və deaktiv edilmiş pluginlər ilə funksiyalar var.


    John Ozbay öz fərziyyəsini sübut etmək üçün o, cihazda bloklama rejiminin aktiv olub-olmadığını təyin edə bilən xüsusi sayt yaradıb. Saytın bunu təyin etməsi üçün minimum 5 dəqiqəyə ehtiyacı olur. Mütəxəssisin sözlərinə əsasən əgər sayt cihazın IP ünvanını əldə və cihazda bloklama funksiyasının aktiv olduğunu təyin edirsə, bu, həmin cihazın istifadəçisinə daha çox diqqəti cəlb edir. Apple öz növbəsində John Ozbay ilə əlaqə yaradaraq ona bildirib ki, Lockdown Mode rejimi veb şriftləri bloklayır. Bu isə istifadəçinin identifikasiyasını qəlizləşdirir. Lakin bu, problemi tam aradan qaldırmır. Bununla belə bəzi mütəxəssislərin sözlərinə əsasən əgər bu funksiyanı aktivləşdirəcək istifadəçilərin sayı daha çox olsa, onlar digər şəxslərin sırasına qarışa bilərlər.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Lazımi sistem boşluğunu tapmaq üçün orta statistik hackerə 10 saatdan az vaxt la..

Bu prosesi daha sürətli şəkildə bulud sistemlərinin təhlükəsizliklərini test edən mütəxəssislər real..


Google öz istifadəçilərini şəxsi məlumatların internetdə ortaya çıxdıqları barəs..

Gələn ilin əvvəlindən başlayaraq Google şirkəti öz istifadəçilərinin konfidensial məlumatlarının int..


Whatsapp-da Android və iOS smartfonlarını hack etməyə imkan verən sistem boşluğu..

Whatsapp-ın rəsmi saytında CVE-2022-36934 identifikatorlu sistem boşluğu barəsində məlumat ortaya çı..


Google Play ilə App Store-da reklam elanları ilə bağlı çoxlu sayda zərərli tətbi..

HUMAN Security adlı şirkətin Satori Threat Intelligence komandasının kibertəhlükəsizlik üzrə mütəxəs..


İstifadəçilər özləri də bilmədən login və şifrələrini Google və Microsoft ilə bö..

Kibertəhlükəsizlik sahəsində fəaliyyət göstərən Otto-JS adlı şirkətin mütəxəssisləri aşkar ediblər k..


Veb kamera vasitəsilə eynəkdə əks olunan ekran mətnini oxumaq mümkündür

Alimlər aparmış olduqları tədqiqat barəsində ətraflı məlumatı “Private Eye: On the Limits of Textual..

×