
Avropa Komissiyası messencer və servislərdən öz sistemlərinə backdoor yerləşdirməyi tələb edəcək
Təhlükəsizlik
02.04.2025
Farid
Avropa Komissiyası yeni daxili təhlükəsizlik strategiyasını təqdim edib. Bu strategiyaya hüquq-mühafizə orqanlarının “qanuni və effektiv məlumat əldə etmə” imkanlarını və şifrələmə vasitələrinə çıxışını əhatə edən yol xəritəsi daxildir. Təşəbbüs ilk növbədə messencerlərə yönələcək - onlardan hüquq-mühafizə orqanları üçün backdoor (gizli giriş) yaratmaq tələb olunacaq, lakin məsələ təkcə bununla məhdudlaşmır. ProtectEU adlı strategiya Avropa Birliyinin “öz vətəndaşlarının təhlükəsizliyini təmin etmək” qabiliyyətini gücləndirməyə yönəlib. Məqsəd “məlumat mübadiləsinin genişləndirilməsi və daha dərin əməkdaşlıq” qaydalarını tənzimləyən “daha sərt hüquqi alətlər sistemi” formalaşdırmaqdır.

Sənəddə təklif olunan normalar hüquq-mühafizə orqanlarına “kibertəhlükəsizlik və əsas hüquqları qorumaq məqsədilə şifrələnmiş məlumatlara qanuni qaydada çıxış imkanı” verməyə yönəlib - baxmayaraq ki, Signal kimi platformalar şifrələmədən imtina etməkdənsə, müəyyən regionlarda fəaliyyətlərini dayandırmağa üstünlük verirlər. Daha əvvəl Britaniya hökuməti Apple-dan şifrələnmiş xidmətlər üçün backdoor tələb etmişdi - nəticədə şirkət ölkə sakinləri üçün end-to-end deaktiv etməyə məcbur qalmışdı. Avropa rəsmiləri də ani mesajlaşma sistemləri və digər kommunikasiya platformalarında şifrələməni aşmaq üçün backdoor yaradılmasının zəruriliyini ilk dəfə dilə gətirmirlər - əvvəlki bəyanatlarında bunu istifadəçi məlumatlarının qeyri-qanuni məzmun baxımından skan edilməsinə ehtiyacla əsaslandırıblar.

Layihənin daha bir bəyan edilmiş məqsədi - Avropolu “üzv dövlətlərə dəstəyi gücləndirmək üçün əsl operativ polis agentliyinə” çevirməkdir. Qurumun rolu “İttifaqın daxili təhlükəsizliyinə ciddi təhdid yaradan, sərhədlərarası, genişmiqyaslı və mürəkkəb işlərin araşdırılmasında” əsas oyunçu olmaq kimi müəyyənləşdirilir. Avropa Birliyinə 27 ölkə daxildir və birgə təhlükəsizlik mexanizmlərinin həyata keçirilməsi zamanı çətinliklər qaçılmazdır. Hər ölkənin öz hüquq-mühafizə orqanları, məqsədləri və büdcəsi var. Buna görə də strategiyada Avropa Birliyi üzvlərinin birliyini gücləndirməyə yönəlmiş “mədəniyyət dəyişikliyinə yardım” məsələsi xüsusi vurğulanır.

“Təhlükəsizlik açıq, inkişaf edən cəmiyyətlər və rifahlı iqtisadiyyat üçün əsas şərtlərdən biridir. Məhz buna görə biz bu gün terrorizm, təşkilatlanmış cinayətkarlıq, kibercinayətlərin artması və kritik infrastrukturumuza edilən hücumlar kimi təhlükəsizlik təhdidlərinə daha effektiv şəkildə qarşı durmaq üçün mühüm təşəbbüsə start veririk. Biz Avropolu gücləndirəcəyik və hüquq-mühafizə orqanlarını cinayətkarlığa qarşı mübarizə üçün müasir alətlərlə təmin edəcəyik. Təhlükəsizliyin artırılmasına tədqiqatçılar, bizneslər və hətta vətəndaşlar da öz töhfələrini verə biləcəklər” - deyə layihə ilə bağlı Avropa Komissiyasının rəhbəri Ursula von der Leyen açıqlama verib.
Mənbə: Techradar
Paylaş
Bənzər xəbərlər

Təhlükəsizlik
Microsoft insanları kibertəhlükələrdən qoruyacaq süni zəka agentlərini anons edib
Microsoft, Security Copilot xidmətinə süni zəka agentləri əlavə edəcək - bu agentlər təhlükəsizlik mütəxəssislərinin işini daha səmərəli və avtomatlaşdırılmış şəkildə həyata keçirmək üçün nəzərdə tutulub.

Təhlükəsizlik
Hakerlər artıq 8 ildir ki, Windows-u viruslarla yoluxdururlar
Son 8 il ərzində kibercinayətkarlar Windows sistemindəki .LNK qısayollarının işlənməsi ilə bağlı bir zəiflikdən istifadə edərək gizli şəkildə zərərli proqram yayırlar. Bu metod dövlət qurumları və maliyyə sektorundakı təşkilatlara qarşı müxtəlif haker qrupları tərəfindən fəal şəkildə tətbiq olunub.

Təhlükəsizlik
Şimali Koreya hakerləri Google Play-ə zərərli tətbiqlər yükləyiblər
Koreya Xalq Demokratik Respublikası (KXDR) hakimiyyəti ilə əlaqəli olduğu güman edilən bir haker qrupu Google Play-də Android üçün bir neçə zərərli tətbiq yerləşdirib və istifadəçiləri aldatmaqla bu proqramları yükləməyə məcbur edib.

Tech-Biznes
Avropa Birliyi, Apple ilə Meta-nı cərimələməyə hazırlaşır
Avropa Komissiyası yaxın zamanda Apple və Meta Platforms-a cərimə təyin edəcək. Bu, şirkətlərin Avropa Birliyinin Rəqəmsal Bazarlar Qanununu (DMA) pozması ilə bağlıdır. 2023-cü ildə Avropa Komissiyası Apple, Meta və Google-a qarşı potensial DMA pozuntuları ilə bağlı araşdırma başlatmışdı.

Təhlükəsizlik
Hakerlər pirat saytlar vasitəsilə milyonlarla kompüteri virusla yoluxdurublar
Microsoft ötən ilin dekabr ayında aşkarlanmış və dünyada təxminən 1 milyon cihazı hədəfə almış zərərli reklam kampaniyası barədə xəbər verib.
Ən çox oxunanlar

POCO F7 Pro və F7 Ultra flaqman smartfonları təqdim edilib - QİYMƏTİ
