Azərbaycan və Gürcüstan kibertəhlükəsizlik sahəsində əməkdaşlığı genişləndirir
Təhlükəsizlik
08.05.2026
Farid
Bakıda Azərbaycan və Gürcüstanın kibertəhlükəsizlik üzrə hərbi mütəxəssislərinin işçi görüşü keçirilib. Görüş Azərbaycan Respublikası Müdafiə Nazirliyi ilə Gürcüstan Müdafiə Nazirliyi arasında 2026-cı il üçün ikitərəfli hərbi əməkdaşlıq planı çərçivəsində baş tutub.
Technote.az xəbər verir ki, görüş Azərbaycan Ordusunun Baş Qərargahında təşkil olunub. Tədbirdə hər iki ölkənin hərbi qurumlarının nümayəndələri iştirak ediblər.
Müzakirələr zamanı informasiya təhlükəsizliyi və kibertəhlükəsizlik sahəsində əməkdaşlığın genişləndirilməsi məsələləri ətrafında fikir mübadiləsi aparılıb. Tərəflər qarşılıqlı təcrübə mübadiləsinin əhəmiyyətini vurğulayıblar.
Görüşdə kibertəhlükəsizlik sahəsində birgə fəaliyyət istiqamətləri də müzakirə olunub. Maraq doğuran digər məsələlər ətrafında da fikir mübadiləsi aparılıb.
Tərəflər bu cür işçi görüşlərinin davam etdirilməsinin vacibliyini qeyd ediblər. Görüş çərçivəsində gələcək əməkdaşlıq imkanları nəzərdən keçirilib.
Paylaş
