Dələduzlar deepfake texnologiya vasitəsilə bankdan 35 milyon dollar oğurlayıblar

Dələduzlar deepfake texnologiya vasitəsilə bankdan 35 milyon dollar oğurlayıblar

Kibertəhlükəsizlik
15.10.2021 PAYLAŞIM

    Süni zəka sisteminin generasiya etdiyi səs simulyasiyası sayəsində cinayətkarlar Birləşmiş Ərəb Əmirliklərindəki (BƏƏ) bank əməkdaşını aldada biliblər. Nəticədə bank 35 milyon dollar itirib. Bir neçə müddət bundan öncə təqdim edilmiş məhkəmə sənədlərinə əsasən bu hadisə yanvar ayında baş verib. Məlumata əsasən hadisə bank filiallarından birinin menecerinin adi telefon zənginə cavab verməsi zamanı baş tutub. Filiala zəng etmiş şəxs özünü böyük şirkətin sahibi kimi təqdim edib. Menecer isə şirkət sahibi ilə daha öncə danışdığı üçün bu dələduzluğu təyin edə bilməyib.

    Əlavə olaraq şirkətin və şirkət hüquqşünasının saxta elektron məktublarından istifadə etmiş dələduzlar filial menecerini inandıra biliblər ki, onlar 35 milyon dollar dəyərində müqavilənin bağlanması ərəfəsindədirlər. Nəticədə filial meneceri zəng etmiş dələduzun əmrlərini ardıcıl şəkildə yerinə yetirib və yeni bank hesablarına bir neçə böyük tranzaksiyanı reallaşdırıb. Lakin sonradan məlum olub ki, bütün bunlar böyük dələduzluq sxemi imiş. BƏƏ-nin yerli hüquq-mühafizə orqanları belə qənaətə gəliblər ki, dələduzlar Deep Voice adlı texnologiyadan istifadə ediblər.


    Bu texnologiya isə şirkət rəhbərinin səsini doğru şəkildə imitasiya etməyi bacarıb. Aparılan istintaqa əsasən bu dələduzluq sxemində 17 nəfər iştirak edib. Oğurlanmış vəsaitlər isə bütün dünyadan olan çoxlu sayda bank hesablarına köçürülüb. Bank hesablarından 2-si ABŞ-ın Centennial Bank-da açılıb. Buna görə də bu məsələ ilə bağlı istintaq prosesində həmçinin ABŞ-ın da hüquq-mühafizə orqanları iştirak edirlər. Maraqlısı ondadır ki, bu cür hadisə ilk dəfədir ki, baş vermir. Belə ki, 2019-cu ildə Böyük Britaniyanın energetik şirkətinin başına bu cür hadisə gəlmişdi. Həmin hadisə çərçivəsində dələduzlar şirkətdən 243.000$ vəsait oğurlaya bilmişdilər. Bununla belə onlar özlərini şirkətin general direktoru kimi təqdim etmişdilər.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Dələduzlar Meta şirkətinə aid olduğunu iddia edərək saxta META kriptovalyutaları..

Facebook öz şirkət adını Meta-ya dəyişəndən sonra dələduzlar bu cür imkandan istifadə etməyə qərar v..


FBI real zaman ərzində Whatsapp və iMessage-dəki istifadəçi məlumatlarını əldə e..

Əldə edilmiş məlumata əsasən FBI Facebook-un Whatsapp, Apple şirkətinin isə iMessage messencerindən ..


MediaTek prosessorlarında istifadəçiləri dinləməyə imkan vermiş boşluq aşkar edi..

Check Point Research şirkəti MediaTek prosessorlarında aşkar edilmiş boşluq barəsində hesabatı təqdi..


Mütəxəssislər barmaq izi skanından sadə üsul ilə yan keçməyi sərgiləyiblər (VİDE..

Kibertəhlükəsizlik sahəsində fəaliyyət göstərən Kraken Security Labs adlı şirkət müasir cihazların d..


Firefox istifadəçilərinin məlumatları GitHub-da açıq şəkildə ortaya çıxıblar..

Kibertəhlükəsizlik sahəsində fəaliyyət göstərən Aidan Marlin adlı mütəxəssis məşhur GitHub platforma..


Bu il ən çox istifadə edilmiş şifrələrin reytinqi tərtib edilib

NordPass şirkəti 2021-ci ildə ən çox istifadə edilmiş şifrələrin reytinqini təqdim edib.

×