Bu hadisə, sui-qəsd cəhdi kimi araşdırılır və işin içinə texnologiya da qarışdıqda hər şey daha da maraqlı olur. Belə ki, FBI, saxlanılan cinayətkarın telefonunu araşdırıb, lakin parolunu sındıra bilməyiblər və işin elə çətin tərəfi də budur. Pennsylvania-dakı agentlər, nə etsələr də telefonu aça bilməyiblər və ona görə də həll yolu olaraq telefonu Virginia ştatının Quantico şəhərindəki FBI laboratoriyasına göndəriblər. İndi hər kəs FBI-ın bu telefonun şifrəsini necə sındıracağını maraqla gözləyir. Hücum edən şəxs, 20 yaşlı Thomas Matthew Crooks-dur. Pennsylvania ştatının Bethel Park şəhərindən olan Crooks-un motivasiyasını anlamaq üçün araşdırmalar davam edir. FBI-ın Pittsburgh-dakı xüsusi agenti Kevin Rojek, onun bəzi mesajlarına giriş əldə etdiklərini, lakin bu mesajların çox da maarifləndirici olmadığını söyləyib.

     Bəs, Crooks, hansı marka telefonu istifadə edir? Bu sual isə hələlik cavabsız qalır. FBI, The Verge-nin şərh tələbinə dərhal cavab verməyib. Bildiyiniz kimi, hüquq-mühafizə orqanları ya şübhəli şəxsin iCloud ehtiyat nüsxələrinə giriş əldə etməklə, ya da üçüncü tərəf telefon "cracking" texnologiyalarından istifadə etməklə şübhəli şəxslərin telefonlarını sındırmaqda çox vaxt uğurlu olurlar. Amma bu hadisə bizə 2015-ci ildə Apple ilə FBI arasındakı böyük qarşıdurmanı xatırladır. O zamanlar Apple, San Bernardino-da bir cinayətkarın iPhone-nun şifrəsini açmaq tələbini, bütün iPhone-ların təhlükəsizliyini pozacağını əsas gətirərək rədd etmişdı. FBI isə nəhayət Avstraliyalı bir təhlükəsizlik şirkətinin köməyi ilə telefonu sındıra bilmişdi.