Hackerlər süni zəka əsaslı ChatGPT çat-botunu virusların yaradılmasında istifadə edirlər

Hackerlər süni zəka əsaslı ChatGPT çat-botunu virusların yaradılmasında istifadə edirlər

Kibertəhlükəsizlik
09.01.2023 PAYLAŞIM

    Süni zəka əsaslı ChatGPT çat-botunun istifadəyə verildiyi vaxtdan o, geniş tətbiq sahələrində istifadə edilib. Qeyd etmək lazımdır ki, sözügedən çat-bot istifadəçilərin suallarına cavab verməklə yanaşı həmçinin texniki məqalələr, şeirlər, esselər və hətta proqram təminatı kodlarını tərtib edə bilir. Məlum olub ki, çat-botun proqram təminatı kodlarını tərtib etməsi bacarığını xüsusilə nəzarətdə saxlamaq lazımdır. Belə ki, bu və ya digər istifadəçinin istəyi ilə çat-bot zərərli proqram təminatı kodunu tərtib edə bilər. Check Point Research adlı kibertəhlükəsizlik şirkətinin mütəxəssisləri bu məsələ ilə bağlı yeni hesabat təqdim ediblər və həmin hesabatda hacker forumlarının iştirakçılarının zərərli kodların və fişinq məqsədli elektron məktubların tərtib edilməsində ChatGPT-dan necə istifadə etdikləri barəsində məlumatları təqdim ediblər.

    Məlumatda qeyd edilib ki, zərərli kodların və fişinq məqsədli elektron məktubların tərtib edilməsində ChatGPT-dan istifadə edənlərin bir hissəsi ya böyük olmayan proqramlaşdırma təcrübəsinə sahibdirlər, ya da ümumiyyətlə heç bir təcrübəyə sahib deyillər. Mütəxəssislər öz hesabatlarında ChatGPT tərəfindən Python proqramlaşdırma dili vasitəsilə yazılmış skriptlərdən bir neçəsini nümunə gətiriblər. Məsələn skriptlərdən birini müəyyən təkmilləşdirmədən sonra istifadəçinin kompüterindəki məlumatları şifrələyən zərərli proqram təminatı koduna çevirmək olar. Çat-bot tərəfindən Python vasitəsilə tərtib edilmiş digər bir skript isə müəyyən formatlı faylların axtarılması və daha sonra onların hackerlərin serverlərinə göndərilməsi üçün nəzərdə tutulub.


    Digər bir nümunədə isə ChatGPT tərəfindən tərtib edilmiş skript online ticarət platformasının işə salınması üçün nəzərdə tutulub. Lakin söhbət, oğurlanmış faylların satılması üçün nəzərdə tutulmuş online ticarət platformasından gedir. Check Point Research şirkətinin mütəxəssisləri özləri ChatGPT-nı kiberhücumunun modelləşdirilməsində istifadə etməyə çalışıblar və bu məsələdə çat-bot onları yanıltmayıb. Belə ki, çat-bot fişinq məqsədli inandırıcı məktub tərtib edib və həmin məktubda hostinq şirkətlərindən birinin hesabının bloklandığı qeyd edilib və üstəlik məktubda yüklənilməsi təklif edilən Excel fayl yerləşdirilib. Bir neçə cəhddən sonra isə ChatGPT həmçinin həmin Excel fayl daxilinə zərərli kodun yelrəşdirilməsinə də nail olub.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Google öz axtarış sistemində zərərli proqram təminatlarına sahib saxta saytları ..

Görünür. Google şirkəti öz axtarış sistemində nələrin reklam edilməsi məsələsinə o qədər də diqqət a..


Hackerlər şifrələr meneceri olan Norton Password Manager-in istifadəçilərinin mə..

Hal hazırda şirkət bu hadisədən zərər çəkmiş müştərilərinə müvafiq bildirişin göndərilməsi ilə məşğu..


App Store ilə Google Play-də ChatGPT-nın saxta versiyaları ortaya çıxmağa başlay..

Süni zəka əsaslı ChatGPT çat-botu son zamanlarda İT sahənin ön çox müzakirə edilən mövzularından bir..


200 milyon Twitter istifadəçisinin məlumatları internetə sızdırılıb

Keçən ayın sonunda kimliyi bilinməyən hacker 400 milyon Twitter istifadəçisinin konfidensial məlumat..


Android smartfonlarda telefon danışıqlarını dinləməyin yeni üsulu aşkar edilib..

Amerikalı alimlər Android smartfonlarda telefon danışıqlarını dinləmək üçün nəzərdə tutulmuş yeni üs..


Kimliyi bilinməyən hacker 400 milyon Twitter istifadəçisinin məlumatlarını satma..

Breach adlı hacker forumunda Ryushi ləqəbli istifadəçinin paylaşmış olduğu bəyanatda o, Twitter-in s..

×