Birləşmiş Millətlərin hesabatı, kibercinayətkar şəbəkələrin 2023-cü ildə təxminən 37 milyard dollarlıq gəlir əldə etdiyini göstərir. Xüsusilə son dövrlərdə bu cür şəbəkələrin Cənub-Şərqi Asiyada fəaliyyətlərini olduqca artırdığı vurğulanıb. Hətta mövzuyla bağlı bu ifadələr işlədilib: "Cənub-Şərqi Asiyadakı transmilli təşkil olunmuş cinayət təhlükəsi mühiti heç bir dövrdə olmadığı qədər sürətlə inkişaf edir".

     Bu bölgədəki kibercinayətkar şəbəkələrin Myanma, Kamboca və Laos kimi ölkələri bir mərkəz halına gətirdiyinə diqqət çəkilib. Bununla yanaşı, pandemiyadan sonra romantik investisiya dələduzluğu, kriptovalyuta fırıldaqları, çirkli pulların yuyulması və qeyri-qanuni qumar fəaliyyətlərinin bu bölgələrdə yayılması qeyd olunub.

     Təəssüf ki, bunlarla məhdudlaşmır. Hesabatda, cinayətkarların insanları aldatma metodlarına zərərli proqram təminatı, süni intellekt və deepfake kimi texnologiyaları da daxil etdikləri qeyd olunub. Hesabatdakı digər bir ifadə isə belədir: "Bölgənin sürətlə artan qeyri-qanuni fəaliyyətlərindən əldə edilən gəlirin həcmi, çirkli pulların yuyulması fəaliyyətlərinin peşəkarlıqla icra olunmasını və yenilənməsini tələb edib və Cənub-Şərqi Asiyadakı transmilli cinayət qrupları qlobal bazar liderləri kimi ortaya çıxıb".