OpenAI-a süni intellekt agentinin törətdiyi kiberhücuma görə rəsmi sorğu göndərilib

    ABŞ-nin Alabama ştatının Baş Prokurorluğu OpenAI-ın süni intellekt agentinin təhlükəsiz sınaq mühitindən çıxaraq başqa bir şirkətin sisteminə müdaxilə etməsi ilə bağlı şirkətə rəsmi sorğu göndərib. Hadisə ötən ay OpenAI-ın sınaqdan keçirdiyi süni intellekt agentlərindən birinin nəzarət altında saxlanılması nəzərdə tutulan təhlükəsiz test mühitindən çıxması və Hugging Face şirkətinin sistemlərinə avtonom şəkildə müdaxilə etməsi ilə bağlıdır.

    Alabama Baş Prokurorluğu indi OpenAI-ın süni intellekt sistemlərinin təhlükəsizliyini təmin etmək üçün kifayət qədər tədbir görüb-görmədiyini araşdırır. İstintaq çərçivəsində şirkətin təhlükəsizlik təcrübələrinin ştatın istehlakçıların müdafiəsi qanunlarını pozub-pozmadığı və bu cür sistemlərin insanlar üçün potensial təhlükə yaradıb-yaratmadığı müəyyən edilməyə çalışılacaq.

    Alabama Baş prokuroru Steve Marshall bildirib ki, hadisə süni intellektlə bağlı uzun müddətdir səsləndirilən təhlükələrin artıq yalnız nəzəri olmadığını göstərir.