Telegram-da zərərli resursların sayı 5 dəfə artıb

    Bu il Telegram-da fişinq (phishing) resursların sayı 5 dəfə çoxalıb. Angara Security adlı şirkətin vermiş olduğu məlumata əsasən bu ilin birinci yarısında Telegram-da bu cür resursların sayı 5000-ə çatıb. 2023-cü ilin əvvəlində başlamış bu ciddi artım messencerin milyonlarla istifadəçisini təhlükə altına atır. Məlumatda qeyd edilib ki, keçən ilin yaz fəsli ilə müqayisədə bu ilin yay aylarında Telegram-la bağlı saxta saytların sayı 10% çoxalıb. Bununla belə dələduzlar bu mövzuda müxtəlif üsulları praktikadan keçirirlər.

    Müsabiqədə iştirak üçün səsvermədən tutmuş pulsuz Telegram Premium hesabının təklif edilməsinə kimi. Dələduzlar üstəlik Telegram daxilində Favorites adlı kanallar yaradırlar. Onlar ümid edirlər ki, istifadəçilər səhv edərək həmin kanallara öz konfidensial məlumatlarını göndərəcəklər. Rəqəmsallaşan dünyada təhlükəsizlik ilk sırada dayanır. Telegram-da fişinq hücumlarının say artımı bu cür platformalarda çox diqqətli olmağın vacibliyini vurğulayır. Bir çox şirkətlər Telegram-dan korporativ kommunikasiyalar üçün istifadə edirlər. Bu isə öz növbəsində Telegram-ı dələduzların maraq dairələrinə salır.