Whatsapp istifadəçilərinin 400 milyondan çox nömrəsi hackerlər tərəfindən satışa çıxarılıb

Whatsapp istifadəçilərinin 400 milyondan çox nömrəsi hackerlər tərəfindən satışa çıxarılıb

Kibertəhlükəsizlik
24.11.2022 PAYLAŞIM

    Cybernews saytının verdiyi məlumata əsasən Whatsapp-dakı hesablara bağlı olan aktual nömrələrin daxil olduqları məlumatlar bazası hackerlər tərəfindən satışa çıxarılıb. Məlumatda qeyd edilib ki, sızdırılmış məlumatların doğruluğunu yoxlamaq üçün təqdim edilmiş pulsuz nümunələr həqiqəti əks etdirirlər. Sözügedən məlumatlar bazası hələ 16 noyabr tarixində məşhur hacker forumlarından birində ortaya çıxıb. Hackerlər messencer istifadəçilərinin ümumilikdə 487 milyon nömrəsindən təşkil edilmiş məlumatlar bazasını satmağa çalışırlar.


    Məlumdur ki, sözgüedən məlumatlar bazası daxilində 84 ölkədən olan istifadəçilərin nömrələri yerləşir. Həmin ölkələr arasında ABŞ, Böyük Britaniya, Misir, Səudiyyə Ərəbistanı, İtaliya, Fransa, Türkiyə və s. var. Meta şirkətinin sözlərinə əsasən Whatsapp-ın istifadəçi kütləsi 2 milyarda yaxındır. Bu məlumatı nəzərə alsaq, belə qənaətə gəlmək olar ki, satılması planlaşdırılan bu məlumatlar bazasında messencerin istifadəçi kütləsinin 1/4 hissəsinin nömrələri yer alıb. Cybernews tərəfindən aparılmış yoxlanış onu göstərib ki, qeyd edilmiş nömrələr həqiqətən də Whatsapp istifadəçilərinin hesablarına bağlıdır.

    Sözügedən məlumatlar bazasını satışa çıxartmış şəxs onları necə əldə etdiyini qeyd etməyib. Meta şirkəti bu məsələyə hələ heç bir aydınlıq gətirməyib. Nəzəri cəhətdən bu cür məlumatlar müxtəlif avtomatlaşdırılmış üsullar vasitəsilə əldə edilə bilər. Lakin bu öz növbəsində messencerdən istifadə şərtləri ilə ziddiyət təşkil edir. İstifadəçilərin telefon nömrələri müxtəlif məqsədlərdə istifadə edilə bilər. Onların arasında marketinq, fişinq (phishing) hücumu və digər dələduzluq növləri var.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Google şirkəti Android üçün yeni ciddi təhlükəni aşkar edib

Google şirkəti APVI adlı təşəbbüs çərçivəsində Samsung, LG, MediaTek və digər şirkətlərin cihazların..


5 milyondan çox Twitter istifadəçisinin məlumatları hacker forumunda satışa çıxa..

Hacker forumlarından birində internet istifadəçilərinin özəl məlumatlarını özündə birləşdirən növbət..


Minlərlə Xiaomi, Samsung, Google və OPPO smartfonları ciddi sistem boşluğuna sah..

İnformasiya təhlükəsizliyindən cavabdeh olan Google Project Zero komandası Google, Samsung, Xiaomi v..


Google Play-də Android cihazlar arasında Sharkbot adlı bank troyanını yayan yeni..

Google Play-də yeni zərərli Android tətbiqlər aşkar edilib. Bu dəfə aşkar edilmiş zərərli tətbiqlər ..


iPhone-nun konfidensial olması mifdir: Apple hər bir istifadəçisinin kimliyini t..

Kibertəhlükəsizlik üzrə mütəxəssislər olan Tommy Mysk və Talal Haj Bakry bir neçə müddət bundan öncə..


macOS-dəki virus yoluxmalarının 50%-i bir tətbiqin ucbatından baş verir

Elastic Security Labs şirkətinin mütəxəssisləri 2022 Global Threat Report adlı tədqiqatı təqdim edib..

×