2025-ci ildə Apple Vision Pro 2-ni gözləmək lazım deyil

Cihazlar+

13.01.2025

Emil

Bloomberg saytının məşhur insayderi Mark Gurman, Apple tərəfindən hazırlanan Vision Pro 2 adlı qarışıq reallıq (AR + VR) cihazından danışıb. İnsayder bildirib ki, bu il Apple Vision Pro 2-ni gözləmək lazım deyil. Onun sözlərinə əsasən Apple öz yeni qarışıq reallıq cihazını 2026-cı ildə satışa çıxaracaq. Qeyd etmək lazımdır ki, daha öncə Gurman sözügedən cihazın məhz 2025-ci ilin payız fəslində satışa çıxa biləcəyini açıqlamışdı. İnsayder əlavə edib ki, Apple mühəndisləri hal-hazırda Vision Pro-nun daha büdcəli versiyasına fokuslanıblar və şirkətin əsas resurslarının bir hissəsi məhz bu cihaza istiqamətlənib.

Məlumatda qeyd edilib ki, N107 kod adına sahib bu cihaz Vision Pro-nun daha ucuz qiymətə satılacaq alternativ versiyası olacaq. Bu səbəbdən də Vision Pro-dan fərqli olaraq onun alıcılar arasında daha məşhur olmaq şansı yüksəkdir. Qeyd etmək lazımdır ki, Vision Pro-ya olan tələbat Apple şirkətini qane etmədiyi üçün şirkət onun istehsalını dayandırıb. Hər halda keçən ilin sonuna yaxın nüfuzlu insayderlər məhz bu məlumatı vermişdilər. Vision Pro-nun daha büdcəli versiyasının kütləvi istehsalına bu il start veriləcəyi sual altındadır. Lakin məlumata əsasən şirkət onun istehsal prosesini sürətləndirməyə hədəflənib. Ming-Chi Kuo adlı məşhur analitikin fikrincə isə Vision Pro-nun büdcəli versiyası 2027-ci ildən tez satışa çıxmayacaq.

Paylaş

apple

apple vision pro

apple vision pro 2

Bənzər xəbərlər