Apple qatlanan iPhone Duo üçün kiçik rəqəmsal qələm layihəsini dayandırıb

    “Apple”, “iPhone Duo”nun təqdimatından əvvəl smartfon üçün daha kiçik “Apple Pencil” hazırlamağı planlaşdırıb. Ancaq rəqəmsal qələm kütləvi istehsala keçməzdən əvvəl texniki problemlər çıxıb və layihə dayandırılıb. Buna görə şirkət indiki USB-C “Apple Pencil” modelini “iPhone Duo” ilə işlətməyə qərar verib.

    Ləğv olunan “Apple Pencil” standart modeldən daha qısa olmalı idi. Onu “iPhone Duo”nun qatlanan hissəsinin kənarına maqnitlə bərkitmək planlaşdırılırdı. Rəqəmsal qələm dəstəyi smartfonun ilkin hazırlıq planına daxil edilsə də, “Apple” yeni aksessuarı istehsala hazır vəziyyətə gətirə bilməyib.

    USB-C “Apple Pencil” dəstəyi “iPhone Duo” satışa çıxanda hazır olmayacaq. Smartfon əvvəlcə məhz bu modelə uyğun hazırlanmadığı üçün funksiyanı sadəcə proqramla aktivləşdirmək olmur. “Apple” uyğun proqram üzərində işləyir və hazırda geniş daxili sınaqlar aparır.

    Şirkət USB-C “Apple Pencil” dəstəyini 2026-cı ilin sonuna qədər aktivləşdirməyi planlaşdırır. Dəqiq tarix açıqlanmayıb, amma funksiyanın ilin son aylarında hazır olacağı gözlənilir. Texniki problemin rəqəmsal qələmdən, yoxsa “iPhone Duo”nun maqnitli şarj sistemindən qaynaqlandığı hələ bilinmir.