Apple Vision Pro-nun büdcəli versiyası daha aşağı piksel sıxlığına sahib ekranları əldə edə bilər
Cihazlar+
26.09.2024
Emil
Apple şirkətinin bu ilin fevral ayının əvvəlində Vision Pro adlı qarışıq reallıq (AR + VR) cihazı satışa çıxandan sonra şirkətin, onun daha büdcəli versiyası üzərində çalışması ilə bağlı məlumatlar ortaya çıxmağa başladı. İndi isə Apple Vision Pro-nun büdcəli versiyası barəsində yeni məlumat ortaya çıxıb. Belə ki, ortaya çıxmış yeni məlumata əsasən Apple şirkəti Vision Pro-nun büdcəli versiyasında daha aşağı piksel sıxlığına sahib ekranlardan istifadə edə bilər.
Məlumatda qeyd edilib ki, şirkət Japan Display adlı şirkətin yeni OLED ekran nümunələrini əldə edib və əldə edilmiş nümunələrdə piksel sıxlığı 1500 ppi təşkil edir. Müqayisə üçün qeyd etmək lazımdır ki, hal-hazırda aktual olan Apple Vision Pro-da ekranların piksel sıxlıqları 3391 ppi təşkil edir. Ekranlarda piksel sıxlığının aşağı salınması öz növbəsində Vision Pro-nun büdcəli versiyasının istehsal xərcini aşağı sala bilər. Məlumdur ki, Apple 1700 ppi göstəricidə piksel sıxlığına sahib OLED ekranlar barəsində Samsung və LG şirkətlərindən məlumatlar əldə edir. Son məlumatlara əsasən Vision Pro-nun büdcəli versiyası ilkin hazırlanma mərhələsindədir. O, 2-3 ildən sonra təqdim oluna bilər.
Paylaş
Bənzər xəbərlər
Cihazlar+
Apple 10-dan çox Mac kompüterini köhnəlmiş və vintaj cihazlar siyahısına daxil edib
Son məlumat sızıntılarına əsasən Apple şirkəti yaxın zamanda M4 prosessoru vasitəsilə çalışacaq yeni Mac kompüterlərini təqdim etməlidir. Bunun artıq gələn ay baş tutacağı gözlənilir.
Cihazlar+
İlk qatlana bilən iPhone ekranın alt hissəsinə yerləşdirilən kamera texnologiyasını əldə edə bilər
Apple şirkətinin potensial qatlana bilən ilk smartfonu barəsində məlumatlar ortaya çıxmağa davam edir.
Proqram Təminatı
Apple Intelligence üçün iPhone-da minimum hansı həcmdə daxili yaddaş istifadə ediləcək?
Apple şirkətinin bir müddət əvvəl istifadəyə vermiş olduğu iOS 18 özündə süni zəka funksiyalarından təşkil edilmiş Apple Intelligence ekosistemini birləşdirmir. Bu ekosistem yalnız iOS 18.1 çərçivəsində istifadəyə veriləcək.
Cihazlar+
iPhone 16-dakı Camera Control düyməsinin əvəzlənməsi üçün smartfonun bütün gövdəsini əvəzləmək lazım gələcək
Apple şirkəti iPhone 16 smartfonlarını təqdim edərkən bu smartfonların tərkiblərində Camera Control adlı yeni fiziki düyməni də təqdim etdi.
Cihazlar+
iPhone 17 Pro modelləri ekranın alt hissəsinə yerləşdirilmiş Face ID-ni əldə etməyəcəklər
iPhone 17 seriyasının gələn il təqdim olunacağına baxmayaraq onun barəsində məlumatlar ortaya çıxmağa davam edir.
Ən çox oxunanlar
Təqdimata sayılı günlər qalmış Samsung Galaxy S25 smartfonlarının reklam fotoları ortaya çıxıb
