Apple Vision Pro-nun istehsalı dayandırıla bilər
Cihazlar+
24.10.2024
Emil
The Information saytı Apple şirkətinin Vision Pro adlı qarışıq reallıq (AR + VR) cihazının istehsalı ilə bağlı növbəti planları barəsində məlumat verib. Verilmiş məlumata əsasən şirkət Vision Pro-nun istehsal tirajını olduqca ixtisar etmək niyyətindədir. Söhbət, elə dərəcədə ixtisardan gedir ki, Vision Pro-nun istehsalı nəticədə dayandırıla bilər. İnsayderlərin sözlərinə əsasən Apple şirkətinin anbarlarında hal-hazırda Vision Pro-ya ola biləcək tələbatı qarşılamaq üçün lazımi sayda cihaz mövcuddur. Məlumatda qeyd edilib ki, şirkət Vision Pro-nun yığılması ilə məşğul olan partnyoruna oktyabr ayına kimi istehsal tirajının ixtisar olunması bildirişini göndərib.
Analitiklərin fikirlərinə əsasən ilin sonuna kimi Vision Pro-nun istehsalı tamamilə dayandırıla bilər. Təqdim edilmiş hesabatda qeyd edilib ki, Apple 500 000-600 000 ədəd Vision Pro-nun istehsalına kifayət edəcək sayda komponentə sahibdir. Lazım olacağı halda Apple tələbatın yüksələcəyi ehtimalında Vision Pro-nun istehsalını rahatlıqla genişləndirə biləcək. Görünür, Apple Vision Pro-ya olan aşağı tələbat səbəbilə şirkət belə bir addımı atmalı olub. Analitiklərin fikirlərinə əsasən Vision Pro-ya tələbatın az olmasında əsas səbəblər onun qiymətinin olduqca yüksək olması və onun üçün lazımi sayda kontentin olmamasıdır.
Paylaş
Ən çox oxunanlar
Samsung Galaxy F56 smartfonu təqdim edilib - QİYMƏTİ
