Büdcəli OnePlus Nord Buds 3r qulaqlığı təqdim edilib - QİYMƏTİ

     OnePlus şirkəti Nord Buds 3r adlı yeni naqilsiz qulaqlığını təqdim edib. OnePlus Nord Buds 3r 12.4 mm-lik dinamik drayverlərlə təchiz olunub və bu drayverlər titan örtüklü vibrasiya membranına malikdirlər. Səsli zəng keyfiyyətinə hər qulaqlıqda yerləşən iki mikrofon cavabdehdir, onlar süni intellekt əsaslı səs-küyün azaldılması sistemini, şüa formalaşdırma texnologiyasını və küləkdən qorunmanı dəstəkləyir. Səsin tənzimlənməsi üçün Sound Master ekvalayzeri nəzərdə tutulub. Həmçinin həcmli səs üçün OnePlus 3D Audio texnologiyası da mövcuddur.

     Qulaqlıqlar Bluetooth 5.4, AAC və SBC kodeklərini, oyun rejimində 47 millisaniyəyə qədər gecikməni, Google Fast Pair funksiyasını, eləcə də eyni vaxtda iki cihaza qoşulmağa imkan verən Dual-device Connection funksiyasını dəstəkləyirlər. Əlavə olaraq, real vaxt rejimində nitqin tərcüməsi üçün AI Translation funksiyası da mövcuddur. Qulaqlıqlarda gövdə IP55 standartı üzrə sudan və tozdan qorunma özəlliyinə sahibdir. Avtonom işləmə müddəti qulaqlıqlar üçün 12 saata, şarj keysi ilə birlikdə isə 54 saata çatır. 10 dəqiqəlik sürətli şarj musiqi dinləmək üçün 8 saata qədər istifadəni təmin edir. OnePlus Nord Buds 3r 8 sentyabr tarixində Hindistanda satışa çıxacaq və onun qiyməti 20$ təşkil edəcək. Qulaqlığın digər regionlarda satışa çıxıb-çıxmayacağı bilinmir.