Eynəklərsiz 3D vizual effektləri təmin edən Samsung Odyssey 3D monitoru təqdim edilib

     Samsung şirkəti xüsusi eynəklərsiz 3D effektini təmin edən ilk gaming monitorunu təqdim edib. Yeni monitor Samsung Odyssey 3D adlanır. Qeyd etmək lazımdır ki, şirkət sözügedən monitoru ilk dəfə bu ilin əvvəlində baş tutmuş CES 2024 sərgisində sərgiləmişdi. Monitor istifadəçi baxışlarının izlənməsi özəlliyindən istifadə edərək 2D formatında olan vizual effektləri 3D formatındə əks etdirir. Samsung Odyssey 3D monitoru 2 versiyada təqdim edilib. Birinci versiya 27 düym ölçülü ekranı, ikinci versiya isə 37 düym ölçülü ekranı əldə edib.

     Hər iki versiyada ekran 165 Hz-lik təsvir yenilənməsinə sahib 4K keyfiyyətli Samsung QLED ekrandır. Monitorların ekranları AMD FreeSync Premium texnologiyasını dəstəkləyirlər və onların istifadəçi əməliyyatlarına reaksiya müddəti 1 millisaniyə təşkil edir. Monitor istifadəçi gözlərini iki ədəd kamera vasitəsilə izləyir və real zaman ərzində görüntünü ayarlayaraq istifadəçiyə 3D effektləri sərgiləyir. Monitor həmçinin 2D formatında olan kontentləri 3D formatına çevirə bilir. Samsung Odyssey 3D özündə HDMI 2.1 və DisplayPort 1.4 girişlərini birləşdirir. Samsung bu yeni monitorunu ilin sonuna kimi satışa çıxartmağı planlaşdırır. Lakin onun hansı qiymətə satılacağı hələ bilinmir.

Bənzər xəbərlər

Cihazlar+

Büdcəli Samsung Galaxy A16 5G-nin hansı həcmdə batareyaya sahib olacağı məlum olub

Samsung şirkəti Galaxy A16 5G adlı yeni büdcəli smartfonunu təqdim etməyə hazırlaşır.

Cihazlar+

Qatlana bilən Samsung Galaxy Z Fold 6 Slim smartfonu dözümlü arxa paneli əldə edə bilər

Bir neçə müddət bundan öncə məlumat ortaya çıxmışdı ki, Samsung şirkəti qatlana bilən Galaxy Z Fold 6 Slim smartfonu üzərində çalışır

Cihazlar+

Samsung Galaxy S25 Ultra-nın batareya həcmi və sürətli şarj texnologiyasının gücü məlum olub

Samsung şirkətinin gələn ilin əvvəlində təqdim edəcəyi Galaxy S25 Ultra smartfonu Çinin 3C adlı sertifikatlaşdırma idarəsinin məlumatlar bazasında ortaya çıxıb.

Cihazlar+

Samsung Galaxy S25 smartfonlarından bəziləri fərqli adlara sahib ola bilərlər

Samsung şirkəti gələn il Galaxy S25 smartfon seriyasını təqdim edəcək. Bu seriyaya adi Galaxy S25, S25+ və S25 Ultra modelləri daxil olacaqlar.

Cihazlar+

Samsung Galaxy Tab S10+ və S10 Ultra planşetlərinin vacib özəllikləri məlum olub

Hələ təqdim olunmamış Samsung Galaxy Tab S10 planşet seriyası barəsində məlumatlar internetdə ortaya çıxmağa davam edirlər.