HMD Global öz brendi altında ilk naqilsiz qulaqlığını hazırlayır

     Daha öncə Nokia smartfonlarının istehsalı ilə məşğul olmuş HMD Global şirkəti keçən ildən öz brendi altında smartfonlarını hazırlamağa başladı. Bir neçə müddət bundan öncə isə məlum oldu ki, şirkət Nokia brendi altında bütün smartfonların istehsalından imtina edib. Ortaya çıxmış yeni məlumata əsasən HMD Global şirkəti indi də öz brendi altında ilk naqilsiz qulaqlığı üzərində çalışır. Şirkətin ilk naqilsiz qulaqlığı HMD Ampd Buds adlanacaq. Bu naqilsiz qulaqlıq artıq ABŞ Federal Rabitə Komissiyasında (FCC) qeydiyyatdan keçib. Bunun sayəsində onun real fotoları ortaya çıxıb.

     Ortaya çıxmış real fotolardan da görmək olar ki, HMD Ampd Buds bazara 3 gövdə rəngində satışa çıxacaq. Mavi, qara və çəhrayı. Bu isə öz növbəsində HMD Skyline smartfonunun gövdə rənglərini təkrarlayır. Gözləntilərə əsasən HMD Ampd Buds-ın əsas özəlliklərindən biri onun şarj keysinin gövdəsində maqnit bərkidicinin olacağıdır. Bu halda keysi HMD Global-ın ikitərəfli şarj texnologiyasını dəstəkləyən smartfonunun arxa panelinə yerləşdirərək şarj etmək mümkün olacaq. Hal-hazırda HMD Ampd Buds-ın texniki göstəriciləri barəsində o qədər də ətraflı məlumat yoxdur. Sadəcə olaraq məlumdur ki, qulaqlıqlardan hər biri 35 mAh enerji tutumlu batareya ilə təchiz olunacaq. Bunun sayəsində qulaqlıqların 5 saat ərzində çalışa biləcəkləri gözlənilir.

Bənzər xəbərlər

Cihazlar+

HMD Global şirkəti bütün Nokia smartfonlarının istehsalını dayandırdığını elan edib

HMD Global şirkəti bütün Nokia smartfonlarının istehsalını dayandırdığını rəsmi şəkildə elan edib. Bu, mobil cihazlar sahəsində daha bir böyük dövrün yekunlaşdığını göstərir.

Cihazlar+

Büdcəli HMD Key smartfonu təqdim edilib - QİYMƏTİ

HMD Global şirkəti öz yeni büdcəli smartfonunu təqdim edib. Şirkətin yeni büdcəli smartfonu HMD Key adlanır. Bu smartfon xarici görünüşcə şirkətin son aylar ərzində təqdim etmiş olduğu smartfonlarından fərqlənmir.

Cihazlar+

HMD Ridge 5G smartfonunun render fotosu və texniki imkanları açıqlanıb

HMD Global şirkəti öz brendi altında yeni smartfonları üzərində çalışmağa davam edir. İnsayderlər şirkət tərəfindən hazırlanan yeni smartfonlardan birinin render fotosunu və texniki imkanlarını təqdim ediblər.

Cihazlar+

HMD Global-ın Orka kod adlı yeni smartfonunun render fotoları və texniki göstəriciləri təqdim edilib

İnsayderlər HMD Global şirkətinin hələ təqdim olunmamış yeni smartfonunun render fotolarını və texniki imkanlarını təqdim ediblər. Onların sözlərinə əsasən HMD Global-ın yeni smartfonu Orka kod adına sahibdir.

Cihazlar+

Büdcəli HMD Arc smartfonu təqdim edilib

HMD Global şirkəti qlobal bazarda öz brendi altında yeni büdcəli smartfonunu təqdim edib. Şirkətin yeni smartfonu HMD Arc adlanır.