Hal hazırda Barselonada keçirilən MWC 2023 sərgisinin ilk günündə Honor şirkəti Magic 5 smartfon seriyasını təqdim etdi. Sözügedən seriyaya Magic 5 və Magic 5 Pro modelləri daxil oldu. İndi isə internetdə Magic 5 Ultimate modelinin real fotoları ortaya çıxıb. Honor Magic 5 Ultimate modelinin texniki özəllikləri barəsində dəqiq bir məlumat yoxdur. Lakin çox güman ki, smartfon texniki göstəricilər baxımından Magic 5 Pro ilə eyni olacaq.

    Xarici görünüş məsələsində Ultimate ilə Pro arasındakı əsas fərq ondan ibarətdir ki, Ultimate modelinin arxa paneli dəri örtüyə sahib olacaq. Magic 5 Ultimate modelinin MWC 2023 sərgisində təqdim olunmaması o deməkdir ki, sözügedən smartfon böyük ehtimal ilə qlobal bazarda satılmayacaq. Çox güman ki, bu model yalnız Çin bazarı üçün nəzərdə tutulub. Qeyd etmək lazımdır ki, Magic 4 Ultimate modeli Magic 4 ilə Magic 4 Pro-nun təqdimatından 3 həftə sonra təqdim edilmişdi. Burdan da belə qənaətə gəlmək olar ki, Magic 5 Ultimate yaxın zamanda təqdim olunmalıdır.