Honor Magic 5 Ultimate smartfonunun fotosu təqdim edilib
Cihazlar+
28.02.2023
Farid Pardashunas
Dünən Honor şirkəti MWC 2023 sərgisi çərçivəsində Honor Magic 5 smartfon seriyasını təqdim etdi. Sözügedən seriyaya iki ədəd smartfon daxil olub: Honor Magic 5 və Magic 5 Pro. Lakin təqdimatdan bir neçə müddət öncə məlumat ortaya çıxmışdı ki, Honor Magic 5 seriyasına 3 smartfon modeli daxil olacaq və üçüncü model Magic 5 Ultimate olacaq. Nəticədə şirkət 3 smartfon əvəzinə 2 smartfon təqdim etdi. Digital Chat Station ləqəbli məşhur insayder isə öz növbəsində Magic 5 Ultimate modelinin press fotosunu təqdim edib.
Təqdim edilmiş fotoda Magic 5 Ultimate modeli iki fərqli rəngdə əks olunub. Fotodan da görmək olar ki, Magic 5 Ultimate modeli üçlü arxa kameraya sahibdir və həmin kameralar digər Magic 5 modellərində olduğu kimi xüsusi dairəvi sahənin daxilində yerləşiblər. Smartfonun ön paneli isə Magic 5 Pro-dan heç fərqlənmir. Onun da ekranının yuxarı sol hissəsində Magic 5 Pro-da olduğu kimi ikili ön kamera üçün nəzərdə tutulmuş oval formalı çıxıntı mövcuddur. Çox güman ki, Honor şirkəti Magic 5 Ultimate modelini ayrıca tədbirdə təqdim edəcək. Bu modelin eksklüziv olaraq Çin bazarında satılacağı da istisna deyil.
Linki kopyala
Bənzər xəbərlər
Oxşar xəbərlər
Həftənin xəbərləri
Huawei Pura 70 və Pura 70 Pro təqdim olunublar - QİYMƏTİ
Telegram-ın yaradıcısı Pavel Durov geniş müsahibə verib (VİDEO)