Honor Magic 7 Lite smartfonu təqdim edilib - QİYMƏTİ

     Honor şirkəti keçən ilin oktyabr ayında Honor Magic 7 smartfon seriyasını təqdim etmişdi. İlk öncə bu seriyaya Honor Magic 7 və Magic 7 Pro modelləri daxil oldular. Keçən ayın sonunda isə şirkət Honor Magic 7 RSR Porsche Design premium modelini təqdim etdi. Lakin bu, Honor Magic 7 seriyasına daxil olan son model olmadı. Belə ki, şirkət indi də Honor Magic 7 Lite modelini təqdim edib. Təqdim olunmuş Honor Magic 7 Lite smartfonu xarici görünüşcə Honor Magic 7 Pro modelini xatırladır. Yeni smartfon kənarları əyilmiş dizaynda hazırlanmış ekranı əldə edib və arxa paneldən dairəvi kamera sahəsinə sahibdir.

     Smartfon 120 Hz-lik təsvir yenilənməsinə sahib 2700x1224 piksel keyfiyyətli 6.78 düym ölçülü AMOLED ekranla təchiz olunub. Ekranın maksimal parlaqlıq səviyyəsi 4000 nit təşkil edir. Barmaq izi skanı texnologiyası birbaşa ekrana inteqrasiya edilib. Üstəlik smartfonun gövdəsi IP64 standartı üzrə sudan qorunma özəlliyinə sahibdir. Honor Magic 7 Lite smartfonu Snapdragon 6 Gen 1 prosessoru vasitəsilə çalışır və 8 GB RAM ilə 256/512 GB daxili yaddaş həcmini əldə edib. Kameralar mövzusunda smartfon 108 MP + 5 MP ikili arxa kameraya və 16 MP-lik ön kameraya sahibdir. Batareyaya gəldikdə isə bu yeni smartfon 66 vatt gücündə sürətli şarj texnologiyalı 6600 mAh enerji tutumlu batareya ilə təchiz olunub. Honor Magic 7 Lite 15 yanvar tarixində satışa çıxacaq və onun qiyməti 370 avrodan start götürəcək.

Bənzər xəbərlər

Cihazlar+

Honor gələn il Honot GT Pro smartfonunu təqdim edə bilər

Honor şirkəti 16 dekabr tarixində Çində Honor GT adlı yeni smartfonunu təqdim etdi. Digital Chat Station ləqəbli məşhur insayderin vermiş olduğu məlumata əsasən indi isə Honor şirkəti onun Pro versiyasını hazırlayır.

Cihazlar+

Honor Magic 7 RSR Porsche Design smartfonu təqdim edilib - QİYMƏTİ

Honor şirkəti Honor Magic 7 smartfon seriyasının növbəti modelini təqdim edib. Söhbət, Honor Magic 7 RSR Porsche Design adlı premium smartfondan gedir. Adından da bəlli olduğu kimi bu smartfonun dizaynı Porsche Design komandası ilə birgə əməkdaşlıq çərçivəsində ərsəyə gətirilib.

Cihazlar+

Honor Magic 7 Lite smartfonu təqdimata hazırlaşır

Honor şirkəti oktyabr ayında Honor Magic 7 və Magic 7 Pro smartfonlarını təqdim etmişdi. İndi isə şirkət bu smartfon seriyasına daxil olacaq daha bir smartfonun təqdimatına hazırlaşır. Söhbət, Honor Magic 7 Lite modelindən gedir.

Cihazlar+

Honor Magic 7 RSR Porsche Design smartfonunun təqdimatı anons edilib

Honor şirkəti oktyabr ayında Honor Magic 7 və Magic 7 Pro smartfonlarını təqdim edən zaman həmçinin Magic 7 RSR Porsche Design smartfonunu da anons etmişdi. Lakin şirkət həmin vaxtda bu smartfonun tam təqdimatını keçirtmədi və bildirdi ki, onun təqdimatı dekabr ayında baş tutacaq.

Cihazlar+

Honor Tablet V9 planşeti təqdim edilib - QİYMƏTİ

Honor şirkəti Çində Honor GT smartfonu ilə birlikdə həmçinin yeni planşetini də təqdim edib. Şirkətin yeni planşeti Honor Tablet V9 adlanır.