Honor Magic 7 Lite smartfonu təqdimata hazırlaşır

     Honor şirkəti oktyabr ayında Honor Magic 7 və Magic 7 Pro smartfonlarını təqdim etmişdi. İndi isə şirkət bu smartfon seriyasına daxil olacaq daha bir smartfonun təqdimatına hazırlaşır. Söhbət, Honor Magic 7 Lite modelindən gedir. Məlum olub ki, bu yeni smartfon Honor-un İtaliya üzrə saytında ortaya çıxıb. Bu isə Honor Magic 7 Lite smartfonunun yaxın zamanda Avropa bazarında satışa çıxacağından xəbər verir.

     Smartfonun şirkət saytında ortaya çıxması sayəsində məlum olub ki, o, bazara iki gövdə rəngində satışa çıxacaq. Titanium Purple və Titanium Black. Bununla yanaşı smartfon 8 GB RAM-a və 256/612 GB daxili yaddaş həcminə sahib olacaq. Smartfonun hansı qiymətə satılacağı bilinmir. Daha öncəki məlumat sızıntılarına inansaq, Honor Magic 7 Lite smartfonu 6.78 düym ölçülü OLED ekranla təchiz olunacaq və özündə 108 MP-lik əsas arxa kamera ilə 6600 mAh enerji tutumlu batareyanı birləşdirəcək.

Bənzər xəbərlər

Cihazlar+

Honor Magic 7 RSR Porsche Design smartfonunun təqdimatı anons edilib

Honor şirkəti oktyabr ayında Honor Magic 7 və Magic 7 Pro smartfonlarını təqdim edən zaman həmçinin Magic 7 RSR Porsche Design smartfonunu da anons etmişdi. Lakin şirkət həmin vaxtda bu smartfonun tam təqdimatını keçirtmədi və bildirdi ki, onun təqdimatı dekabr ayında baş tutacaq.

Cihazlar+

Honor Tablet V9 planşeti təqdim edilib - QİYMƏTİ

Honor şirkəti Çində Honor GT smartfonu ilə birlikdə həmçinin yeni planşetini də təqdim edib. Şirkətin yeni planşeti Honor Tablet V9 adlanır.

Cihazlar+

Honor GT smartfonu təqdim edilib - QİYMƏTİ

Honor şirkəti daha öncə də söz vermiş olduğu kimi öz yeni smartfonu olan Honor GT-ni təqdim edib. Smartfonun orta büdcəli olmasına baxmayaraq o, flaqman Snapdragon prosessoru vasitəsilə çalışır.

Cihazlar+

Təqdimata hazırlaşan Honor GT smartfonunun texniki imkanları ortaya çıxıb

Artıq məlumdur ki, Honor şirkəti 16 dekabr tarixində Çində Honor GT adlı yeni smartfonunu təqdim edəcək. Təqdimata sayılı günlər qalmış bu yeni smartfonun texniki imkanları ortaya çıxıb.

Cihazlar+

Təqdimata hazırlaşan Honor GT-nin yeni fotoları ortaya çıxıb

Dünən Honor şirkəti öz yeni smartfonunun təqdimatını anons etdi. Söhbət, Honor GT-dən gedir. Sözügedən smartfon 16 dekabr tarixində Çində təqdim ediləcək.