Honor Magic 7 Pro-nun qlobal versiyası təqdim edilib - QİYMƏTİ

     Keçən ilin oktyabr ayının sonunda Çində Honor şirkəti Honor Magic 7 smartfon seriyasını təqdim etmişdi. Bu seriyaya Honor Magic 7 və Magic 7 Pro modelləri daxil oldular. Daha sonra isə şirkət seriyaya daxil olmuş daha iki yeni modeli təqdim etdi. Söhbət, Honor Magic 7 RSR Porsche Design və Magic 7 Lite modellərindən gedir. Honor Magic 7 RSR Porsche Design modeli Çin bazarında, Magic 7 Lite modeli isə qlobal bazarda təqdim olundu. İndi isə şirkət Honor Magic 7 Pro-nun qlobal versiyasını təqdim edib.

     Honor Magic 7 Pro-nun qlobal versiyası Çində satılan versiyadan sadəcə batareya həcmi ilə fərqlənir. Belə ki, smartfonun Çində satılan versiyası 5850 mAh enerji tutumlu batareyaya sahib olduğu halda, qlobal versiya 5270 mAh enerji tutumlu batareyaya sahibdir. Digər göstəricilər baxımından smartfonlar eynidirlər. Beləliklə Honor Magic 7 Pro-nun qlobal versiyası 1 Hz-dən 120 Hz-ə kimi təsvir yenilənməsinə sahib 2800х1280 piksel keyfiyyətli 6.8 düym ölçülü OLED ekranla təchiz olunub. Ekranın maksimal parlaqlıq səviyyəsi 5000 nit təşkil edir.

     Barmaq izi skanı texnologiyası birbaşa ekrana inteqrasiya edilib. Bununla yanaşı onun gövdəsi IP68/69 standartları üzrə sudan qorunma özəlliyinə sahibdir. Smartfon Snapdragon 8 Elite prosessoru vasitəsilə çalışır və 12 GB RAM ilə 512 GB daxili yaddaş həcmini əldə edib. Kameralar mövzusunda Honor Magic 7 Pro-nun qlobal versiyası 50 MP + 50 MP + 200 MP üçlü arxa kameraya və 50 MP + 3D ToF ikili ön kameraya sahibdir. Smartfon özündə 100 vatt gücündə sürətli naqilli şarj texnologiyasının və 80 vatt gücündə sürətli naqilsiz şarj texnologiyasının dəstəyini birləşdirir. Honor Magic 7 Pro qlobal bazarda artıq satışa çıxıb və onun qiyməti 1299 avro təşkil edir.

Bənzər xəbərlər

Cihazlar+

Honor 400 smartfonları 7000 mAh-dan daha böyük həcmli batareyaları əldə edə bilərlər

Honor şirkəti keçən ayın əvvəlində Honor 300 smartfon seriyasını təqdim etmişdi. İndi isə şirkət Honor 400 seriyası üzərində çalışır. İnternetdə Honor 400 seriyası barəsində maraqlı bir məlumat ortaya çıxıb.

Cihazlar+

Real zaman ərzində tərcümə funksiyasına sahib Honor EarBuds Open naqilsiz qulaqlığı təqdim edilib

Honor şirkəti qlobal bazarda yeni naqilsiz qulaqlığını təqdim edib. Şirkətin yeni naqilsiz qulaqlığı Honor EarBuds Open adlanır. Bu yeni naqilsiz qulaqlığın əsas fərqləndirici tərəfi ondadır ki, o, real zaman ərzində tərcümə funksiyasını özündə birləşdirir.

Cihazlar+

Honor Play 9T Pro smartfonu təqdim edilib - QİYMƏTİ

Honor şirkəti keçən il büdcəli Honor Play 9T smartfonunu təqdim etmişdi. İndi isə şirkət onun Pro versiyasını təqdim edib. Yeni smartfon xarici görünüşcə keçən ilki Honor Play 9T-dən cüzi fərqlənir.

Cihazlar+

Honor Magic 7 Lite smartfonu təqdim edilib - QİYMƏTİ

Honor şirkəti keçən ilin oktyabr ayında Honor Magic 7 smartfon seriyasını təqdim etmişdi. İlk öncə bu seriyaya Honor Magic 7 və Magic 7 Pro modelləri daxil oldular. Keçən ayın sonunda isə şirkət Honor Magic 7 RSR Porsche Design premium modelini təqdim etdi. Lakin bu, Honor Magic 7 seriyasına daxil olan son model olmadı. Belə ki, şirkət indi də Honor Magic 7 Lite modelini təqdim edib.

Cihazlar+

Honor gələn il Honot GT Pro smartfonunu təqdim edə bilər

Honor şirkəti 16 dekabr tarixində Çində Honor GT adlı yeni smartfonunu təqdim etdi. Digital Chat Station ləqəbli məşhur insayderin vermiş olduğu məlumata əsasən indi isə Honor şirkəti onun Pro versiyasını hazırlayır.