Honor Magic 7 Pro-nun real fotoları ortaya çıxıb

     Honor şirkəti gələn ilin əvvəlində Honor Magic 7 smartfon seriyasını təqdim etməlidir. Bu seriyaya daxil olacaq modellərdən biri isə Honor Magic 7 Pro olacaq. İndi isə məlum olub ki, Honor Magic 7 Pro smartfonunun real fotoları Çinin Weibo adlı sosial şəbəkəsində ortaya çıxıb. Fotolara əsasən Honor Magic 7 Pro hər tərəfdən bərabər şəkildə bir qədər əyilmiş ekranı əldə edəcək. Ekranın üzərində isə oval formalı çıxıntı yerləşəcək. Gözləntilərə əsasən Honor Magic 7 Pro smartfonu 1.5K keyfiyyətli ekranı əldə edəcək, Snapdragon 8 Gen 4 prosessoru vasitəsilə çalışacaq və özündə 50 MP-lik əsas arxa kameranı birləşdirəcək. Üstəlik smartfonda yeni süni zəka funksiyalarının olacağı da güman edilir.