Honor MagicBook X14 Pro 2025 noutbuku barəsində məlumatlar verilib

     Honor şirkəti MagicBook X14 Pro 2025 adlı yeni ultra nazik noutbuk modelinin təqdimatına hazırlaşır. Sızdırılmış məlumatlara görə, sözügedən yeni noutbuk 3.1K keyfiyyətli 14 düym ölçülü ekranla təchiz ediləcək. Bu, əvvəlki modellərlə müqayisədə ciddi bir təkmilləşdirmədir. Belə ki, MagicBook X14 Pro 2023 modeli 2.2K keyfiyyətli ekrana, MagicBook X14 Pro Plus modeli isə 2.8K keyfiyyətli ekrana sahibdir. Digital Chat Station ləqəbli məşhur insayderin sözlərinə əsasən MagicBook X14 Pro 2025 noutbuku daha uzun batareya ömrü və effektiv enerji sərfiyyatı ilə seçiləcək.

     Yeni noutbukun ekranı "peşəkar" rəng dəqiqliyini dəstəkləyəcək və göz yorğunluğunu azaltmaq üçün Oasis adlı texnologiya ilə təchiz ediləcək. MagicBook X14 Pro 2025-in yüksək performans təmin edən Intel Core 200H seriyalı prosessorlarla təchiz ediləcəyi gözlənilir. Bundan əlavə, Honor-un Multi-Screen Collaboration funksiyasını dəstəkləməsi ehtimal edilir, bu da istifadəçilərə Honor-un Magic 7 Pro smartfonlarını noutbuk ekosisteminə inteqrasiya etməyə imkan verəcək. Dizayn baxımından cihaz incəliyini qoruyacaq.

     Belə ki, noutbukun gövdə qalınlığı 15.9 mm, çəkisi isə 1.34 kq təşkil etməlidir. Ən diqqətçəkən yeniliklərdən biri cihazın ağ rəngli gövdəyə sahib versiyasının olacağıdır. Bu, əvvəlki MagicBook X14 Plus modellərində mövcud olan Light Sea Blue və Starry Sky Gray rəng seçimlərindən fərqlənəcək. Bundan əlavə, Honor soyutma sistemini təkmilləşdirmək üzərində işləyir, bu da noutbukun intensiv yüklənmə zamanı belə soyuq qalmasını təmin edəcək. Gözləntilərə əsasən noutbukun satış qiyməti 1100$ təşkil edəcək. Rəsmi təqdimatın yaxın zamanda baş tutacağı gözlənilir.

Mənbə: Digital Chat Station

Bənzər xəbərlər

Cihazlar+

HONOR X8c Azərbaycanda satışa çıxır - QİYMƏTİ və XÜSUSİYYƏTLƏRİ

HONOR brendi giriş seqmentinə aid olan yeni HONOR X8c modelini Azərbaycanda satışa çıxarıb. Ötən ilin populyar HONOR X8b modelinin davamçısı olan bu smartfon, əsasən dizayn, kamera və batareya baxımından bir sıra yeniliklərlə gəlir. Yeni cihazın qiyməti, texniki xüsusiyyətləri və istifadədəki fərqləri barədə ətraflı araşdırmanı təqdim edirik.

Cihazlar+

Honor Magic 7 RSR Porsche Design-ın qlobal versiyası təqdim edilib - QİYMƏTİ

Honor şirkəti Honor Magic 7 Pro-nun qlobal versiyasının ardınca Honor Magic 7 RSR Porsche Design premium smartfonunun da qlobal versiyasını təqdim edib. Qeyd etmək lazımdır ki, bu smartfon keçən ay Çində təqdim edilmişdi.

Cihazlar+

Honor Magic 7 Pro-nun qlobal versiyası təqdim edilib - QİYMƏTİ

Keçən ilin oktyabr ayının sonunda Çində Honor şirkəti Honor Magic 7 smartfon seriyasını təqdim etmişdi. Bu seriyaya Honor Magic 7 və Magic 7 Pro modelləri daxil oldular. Daha sonra isə şirkət seriyaya daxil olmuş daha iki yeni modeli təqdim etdi. Söhbət, Honor Magic 7 RSR Porsche Design və Magic 7 Lite modellərindən gedir.

Cihazlar+

Honor 400 smartfonları 7000 mAh-dan daha böyük həcmli batareyaları əldə edə bilərlər

Honor şirkəti keçən ayın əvvəlində Honor 300 smartfon seriyasını təqdim etmişdi. İndi isə şirkət Honor 400 seriyası üzərində çalışır. İnternetdə Honor 400 seriyası barəsində maraqlı bir məlumat ortaya çıxıb.

Cihazlar+

Real zaman ərzində tərcümə funksiyasına sahib Honor EarBuds Open naqilsiz qulaqlığı təqdim edilib

Honor şirkəti qlobal bazarda yeni naqilsiz qulaqlığını təqdim edib. Şirkətin yeni naqilsiz qulaqlığı Honor EarBuds Open adlanır. Bu yeni naqilsiz qulaqlığın əsas fərqləndirici tərəfi ondadır ki, o, real zaman ərzində tərcümə funksiyasını özündə birləşdirir.