Honor Pad 9 planşeti qlobal bazarda satılacaq
Cihazlar+
19.01.2024
Emil
Honor şirkəti keçən ayın sonuna yaxın Çində Honor Pad 9 planşetini təqdim etdi. Görünür, şirkət sözügedən planşeti həmçinin qlobal bazarda da təqdim edəcək. Belə ki, Honor Pad 9 planşeti HEY2-W09 model nömrəsi ilə Sinqapurun IMDA adlı sertifikatlaşdırma agentliyinin məlumatlar bazasında ortaya çıxıb. Bu isə o deməkdir ki, Honor Pad 9-un qlobal bazarda təqdimatı artıq çox yaxındır. Qeyd etmək lazımdır ki, planşetin Çində satılan versiyası 12.1 düym LCD ekranla təchiz olunur, Snapdragon 6 Gen 1 prosessoru vasitəsilə çalışır və özündə 8300 mAh enerji tutumlu batareyanı birləşdirir. Çox güman ki, planşetin qlobal versiyası texniki göstəricilər baxımından Çində satılan versiyadan fərqlənməyəcək.
Paylaş
Ən çox oxunanlar
iPhone 17 Pro-nun ən kefiyyətli fotoları təqdim edilib
