Huawei Pura 70 və Pura 70 Pro təqdim olunublar - QİYMƏTİ
Cihazlar+
18.04.2024
Farid Pardashunas
Huawei şirkəti heç gözlənilmədən Huawei Pura 70 smartfon seriyasını təqdim edib. Bu smartfon seriyasına 4 model daxil olub. Huawei Pura 70, Pura 70 Pro, Pura 70 Pro+ və Pura 70 Ultra. Bu xəbərdə biz ilk iki modelə nəzər yetirəcəyik. Yəni Huawei Pura 70 ilə Pura 70 Pro-ya. Növbəti xəbərdə isə Huawei Pura 70 Pro+ ilə Pura 70 Ultra barəsində danışacağıq. Beləliklə Huawei Pura 70 ilə Pura 70 Pro modelləri xarici görünüşcə demək olar bir-birilərinə bənzəyirlər. Onlar yastı gövdəyə və yastı ekrana sahibdirlər. Lakin adi Pura 70 modelinin kənar hissələri iti formaya sahib olduqları halda, Pura 70 Pro modelinin kənar hissələri bir qədər dairəvi formaya sahibdirlər. Bu smartfonlar texniki göstəricilər mövzusunda bir-birilərindən fərqlənirlər. Adi Pura 70 modeli 1 Hz-dən 120 Hz-ə kimi təsvir yenilənməsinə sahib 2760x1256 piksel keyfiyyətli 6.6 düym OLED ekranla təchiz olunub. Ekranın maksimal parlaqlıq səviyyəsi 2500 nit təşkil edir və o, Kunlun Glass 2 qoruyucu şüşəsi ilə əhatə olunub.
Pura 70 Pro modelinə gəldikdə isə o, 1 Hz-dən 120 Hz-ə kimi təsvir yenilənməsinən sahib 2844x1260 piksel keyfiyyətli 6.8 düym OLED ekranla təchiz olunub. Ekranın maksimal parlaqlıq səviyyəsi 2500 nit təşkil edir və o da Kunlun Glass 2 qoruyucu şüşəsi ilə əhatə olunub. Barmaq izi skanı texnologiyası hər iki smartfonda ekrana inteqrasiya edilib. Hər iki smartfonun gövdəsi IP68 standartı üzrə sudan qorunma özəlliyinə sahibdir. Onlar həmçinin özlərində stereo səsgücləndiricilər ilə kontaktsız ödənişlər üçün nəzərdə tutulmuş NFC çipi birləşdirirlər. Adi Huawei Pura 70 modeli Kirin 9000S1 prosessoru vasitəsilə çalışır və 12 GB RAM ilə 256/512 GB/1 TB daxili yaddaş həcmini əldə edib. Pura 70 Pro-ya gəldikdə isə o, Kirin 9010 prosessoru vasitəsilə çalışır və eyni RAM ilə daxili yaddaş həcmini əldə edib. Kameralar mövzusunda Pura 70 modeli 50 MP (f/1.4-4.0 dəyişkən diafraqma, optik stabilizasiya) + 12 MP (f/3.4 diafraqma, optik stabilizasiya, 5 qat optik zoom, 50 qat rəqəmsal zoom) + 13 MP (f/2.2 diafraqma) üçlü arxa kameraya və 13 MP-lik ön kameraya sahibdir.
Pura 70 Pro da üçlü arxa kameraya sahibdir. 50 MP (f/1.4-4.0 dəyişkən diafraqma, optik stabilizasiya) + 48 MP (f/2.1 diafraqma, optik stabilizasiya, 3.5 qat optik zoom, 100 qat rəqəmsal zoom) + 12.5 MP (f/2.2 diafraqma). Pura 70 Pro-da ön kamera adi Pura 70 modelindəki kimidir. Batareyaya gəldikdə, Pura 70 modeli 66 vatt gücündə sürətli şarj texnologiyalı 4900 mAh enerji tutumlu batareya ilə təchiz olunub və 50 vatt gücündə sürətli naqilsiz şarj texnologiyasını dəstəkləyir. Pura 70 Pro modeli isə o, 100 vatt gücündə sürətli şarj texnologiyalı 5050 mAh enerji tutumlu batareya ilə təchiz olunub və 80 vatt gücündə sürətli naqilsiz şarj texnologiyasını dəstəkləyir. Hər iki smartfon Android 12 əsaslı HarmonyOS 4.2 vasitəsilə çalışır. Smartfonlar artıq Çin bazarında satışa çıxıblar. Onların qlobal bazarda satılıb-satılmayacaqları isə bilinmir. Huawei Pura 70 ilə Pura 70 Pro-nun Çindəki satış qiymətləri aşağıdakı kimidir.
- 256 GB yaddaşa sahib Huawei Pura 70 - 760$
- 512 GB yaddaşa sahib Huawei Pura 70 - 829$
- 1 TB yaddaşa sahib Huawei Pura 70 - 967$
- 256 GB yaddaşa sahib Huawei Pura 70 Pro - 897$
- 512 GB yaddaşa sahib Huawei Pura 70 Pro - 966$
- 1 TB yaddaşa sahib Huawei Pura 70 Pro - 1105$.
Linki kopyala
Bənzər xəbərlər
Oxşar xəbərlər
Huawei Pura 70 Ultra-nın kameraları barəsində məlumatlar verilib
Huawei Pura 70 Ultra-nın kameraları barəsində məlumatlar verilib
Bir neçə gün bundan öncə məlum oldu ki, Huawei şirkəti özünün Huawei P smartfon seriyasının adını Huawei Pura-ya dəyişib.
Huawei P smartfon seriyası bundan sonra Huawei Pura adlanacaq
Huawei P smartfon seriyası bundan sonra Huawei Pura adlanacaq
Huawei şirkəti özünün P smartfon seriyasının ilk versiyasını təqdim etməsindən 12 il sonra bu smartfon seriyasının rebrendinqini keçirtmək qərarına gəlib.
Huawei FreeBuds Lipstick 2 naqilsiz qulaqlığı təqdim edilib - QİYMƏTİ
Huawei FreeBuds Lipstick 2 naqilsiz qulaqlığı təqdim edilib - QİYMƏTİ
Huawei şirkəti Çində FreeBuds Lipstick 2 naqilsiz qulaqlığını təqdim edib.
4K keyfiyyətli Huawei Smart Screen S5 televizoru təqdim edilib - QİYMƏTİ
4K keyfiyyətli Huawei Smart Screen S5 televizoru təqdim edilib - QİYMƏTİ
Huawei şirkəti 4K keyfiyyətli böyük ekrana sahib yeni smart televizorunu təqdim edib. Televizor Smart Screen S5 adlanır.
Huawei Mate 70 smartfon seriyası Android tətbiqlərin dəstəyi imkanından məhrum ola bilər
Huawei Mate 70 smartfon seriyası Android tətbiqlərin dəstəyi imkanından məhrum ola bilər
Huawei şirkəti bu ilin ikinci yarısında Mate 70 smartfon seriyasını təqdim etməlidir. İnsayderlərin vermiş olduqları məlumata əsasən Huawei şirkətinin bu yeni smartfon seriyası HarmonyOS NEXT əməliyyat sistemi vasitəsilə çalışacaq.
Həftənin xəbərləri
