IKEA yeni Qi2 simsiz şarj cihazlarını satışa çıxardı

    Technote.az “Engadget” platformasına istinadən bildirir ki, IKEA ağıllı ev məhsullarını yeniləməyə davam edir və bu dəfə diqqət mərkəzində yeni, simsiz şarj cihazıdır. Şirkətin təqdim etdiyi VÄSTMÄRKE adlı yeni simsiz şarj cihazı həm dizaynı, həm də praktik istifadəsi ilə seçilir.

    Cəmi 10 dollara satılan VÄSTMÄRKE simsiz şarj cihazı görünüşcə halqa formasını xatırladır və PopSockets tipli telefon tutacağı funksiyasını da yerinə yetirir. Qırmızı silikon materialdan hazırlanmış dizayn barmaqlar üçün rahat tutacaq rolunu oynayır, eyni zamanda cihazın üzərindəki USB-C kabelini səliqəli şəkildə saxlamağa imkan verir. Bu yanaşma adi və darıxdırıcı telefon aksesuarlarına əyləncəli alternativ təqdim edir.

    Yeni model Qi2 sürətli simsiz şarjı dəstəkləyir və maqnit vasitəsilə iPhone-larda MagSafe, Pixel telefonlarında isə PixelSnap texnologiyası ilə birbaşa yapışa bilir. Daha minimalist dizayn axtaranlar üçün IKEA 25 dollarlıq işıqlı VÄSTMÄRKE simsiz şarj cihazını da təqdim edir. Bu model kasa formasındadır, ortasında telefon üçün dayaq sütunu yerləşir və ətraf hissədə açar, pulqabı kimi gündəlik əşyaların saxlanması üçün yer mövcuddur.