iPad Pro 2024 planşeti dözümlülük testlərindən keçib (VİDEO)
Cihazlar+
16.05.2024
Emil Nəcəfov
Apple şirkətinin keçən həftə təqdim etmiş olduğu M4 prosessorlu yeni iPad Pro planşeti Apple şirkətinin ən nazik planşeti olmaqla yanaşı həmçinin şirkətin indiyənə kimi hazırlamış olduğu ən nazik cihazdır. Texniki nöqteyi nəzərdən bu, böyük nailiyyətdir. Lakin planşet təqdim ediləndən sonra bir çoxları onun dözümlülüyünün lazımi səviyyədə olmasından şübhələniblər. Bu şübhələrin doğru olub-olmadıqlarını JerryRigEverything adlı məşhur YouTube kanalının müəllifi yoxlayıb. Belə ki, o, yeni iPad Pro-nun 13 düym ekranlı versiyasının dözümlülük testlərini aparıb.
Qeyd etmək lazımdır ki, yeni iPad Pro-nun qalınlığı cəmi 5.1 mm təşkil edir. Planşetin dözümlülük testlərinə keçməzdən öncə JerryRigEverything ilk öncə onun səthini xətkeş vasitəsilə yoxlayıb. Məlum olub ki, planşetin səthi ideal yastı deyil. Belə ki, onun səthi 0.1 dərəcə əyilməyə məruz qalıb. Planşet gövdəsinin cızıqlara nə dərəcədə dözümlü olduğunun testi mövzusuna gəldikdə videodan da görmək olar ki, çox iti alət ilə onun gövdəsini rahatlıqla cızmaq mümkündür. Lakin bununla belə planşetin ekranı oda təəccüblü dərəcədə dözümlülük sərgiləyib.
Belə ki, blogger planşetin ekranına 60 saniyə ərzində od vasitəsilə təsir göstərib. 60 saniyənin sonunda ekran problemsiz şəkildə çalışmağa davam edib. Blogger əsas dözümlülük testini sona saxlayıb. Söhbət, planşetin əyilməyə nə dərəcədə dözümlü olması testindən gedir. Təəccüblü səslənsə də yeni iPad Pro şaquli istiqamətdə qatlanma cəhdinə tab gətirə bilib. Planşet yalnız cüzi şəkildə əyilməyə məruz qalsa da sınmayıb. Lakin üfüqi istiqamətdə qatlanma cəhdi zamanı planşet USB-C girişi tərəfdən sınıb. Nəticədə belə qənaətə gəlmək olar ki, yeni iPad Pro modeli daha öncəki iPad Pro modellərindən daha dözümlüdür.
Linki kopyala
Bənzər xəbərlər
Oxşar xəbərlər
Samsung şirkəti, Apple-ın iPad reklamını ələ salıb! (VİDEO)
Samsung şirkəti, Apple-ın iPad reklamını ələ salıb! (VİDEO)
Apple-ın M4 çipilə təchiz edilmiş iPad Pro üçün yaxın zamanda yayımlanan və istifadəçilərin reaksiyasına səbəb olan "Crush" reklamı Samsung-un zarafat mövzusuna çevrilib. Samsung öz paylaşdığı reklam çarxında Apple-ın iPad reklamını ələ salıb.
iOS 18-də olacaq bəzi yeni funksiyalar açıqlanıb
iOS 18-də olacaq bəzi yeni funksiyalar açıqlanıb
Apple şirkəti gələn ay keçiriləcək WWDC 2024 konfransı çərçivəsində iOS 18 əməliyyat sistemini təqdim edəcək. İndi isə şirkət iOS 18-də olacaq bəzi yeni funksiyalardan danışıb.
Apple artıq 7-ci nəsil iPad Air üzərində çalışır
Apple artıq 7-ci nəsil iPad Air üzərində çalışır
Apple keçən həftə M2 prosessoru vasitəsilə çalışan yeni iPad Air planşetini təqdim etmişdi. Macrumors saytının vermiş olduğu məlumata əsasən Apple artıq növbəti nəsil iPad Air üzərində çalışmağa başlayıb.
Yeni nəsil iPad mini nə zaman təqdim ediləcək?
Yeni nəsil iPad mini nə zaman təqdim ediləcək?
Apple şirkəti keçən həftə iPad Air 2024 və iPad Pro 2024 planşetlərini təqdim etdi. Lakin məlumdur ki, şirkət həmçinin yeni nəsil iPad mini planşeti üzərində də çalışır.
Apple iOS 18-də ChatGPT-nin istifadəsi mövzusunda OpenAI ilə razılığa gəlib
Apple iOS 18-də ChatGPT-nin istifadəsi mövzusunda OpenAI ilə razılığa gəlib
Apple şirkəti gələn ay keçiriləcək WWDC 2024 konfransı çərçivəsində süni zəka funksiyalarına sahib iOS 18 əməliyyat sistemini təqdim edəcək.
Həftənin xəbərləri
